പഞ്ചാബ് : ഐലീഗ് ക്ലബായ പഞ്ചാബ് എഫ് സി അവരുടെ പുതിയ ലോഗോ പുറത്തിറക്കി. കഴിഞ്ഞ സീസണില്‍ ആയിരുന്നു മിനേര്‍വ പഞ്ചാബിന് പുതിയ ഉടമകള്‍ എത്തിയതും ക്ലബ് റൗണ്ട് ഗ്ലാസ് പഞ്ചാബ് എഫ് സി ആയി മാറിയതും. ഇപ്പോഴിതാ പുതിയ ഉടമകളായ റൗണ്ട് ഗ്ലാസിന്റെ പേര് കൂടെ ഉള്‍പ്പെടുത്തിയാണ് പഞ്ചാബ് എഫ് സി ലോഗോ ഒരുക്കിയിരിക്കുന്നത്.
ചുവപ്പും സ്വര്‍ണ്ണ നിറവും ഉള്ള ഡിസൈനില്‍ ആണ് ലോഗോ തയ്യാറാക്കിയിരിക്കുന്നത്. മികച്ച ടീമിനെ ഒരുക്കി ഐ ലീഗ് കിരീടം നേടാനാണ് പഞ്ചാബ് എഫ്സി തയ്യാറെടുക്കുന്നത്.
