ഹരിയാന: ലിവിങ് ടുഗദര്‍ അനുവദിക്കണമെന്ന പതിനെട്ടുകാരിയുടെയും ഇരുപത്തൊന്നുകാരന്റെയും ആവശ്യം പഞ്ചാബ് ഹരിയാന ഹൈക്കോടതി തള്ളി. സാമൂഹ്യഘടനയെ ഗുരുതരമായി ബാധിക്കുമെന്ന് നിരീക്ഷിച്ചുകൊണ്ടാണ് ഹൈക്കോടതി നടപടി.
ഹരിയാന ജിന്‍ഡ് സ്വദേശികളാണ് കോടതിയെ സമീപിച്ചത്. ബന്ധുക്കളില്‍ നിന്ന് ഭീഷണിയുണ്ടെന്നും പൊലീസ് സംരക്ഷണം അനുവദിക്കണമെന്നും ഹര്‍ജിയില്‍ ആവശ്യപ്പെട്ടിരുന്നു. ജസ്റ്റിസ് അനില്‍ ക്ഷേതര്‍പാല്‍ അധ്യക്ഷനായ ഏക അംഗ ബെഞ്ചാണ് വിധി പുറപ്പെടുവിച്ചത്.
