മലപ്പുറം: പി.വി അന്‍വര്‍ എം.എല്‍.എ സ്ഥാനം രാജിവെയ്ക്കണമെന്ന് ഇ.ടി മുഹമ്മദ് ബഷീര്‍ എം.പി. പൊന്നാനിയില്‍ തോറ്റാല്‍ രാജിവെക്കുമെന്ന് പി.വി അന്‍വര്‍ പറഞ്ഞിരുന്നതാണ്. ആ വാക്ക് അന്‍വര്‍ പാലിക്കണം, ഇ.ടി പറഞ്ഞു.
പ്രചാരണ സമയത്ത് പൊന്നാനിയില്‍ തോറ്റാല്‍ എം.എല്‍.എ സ്ഥാനം രാജിവെക്കുമെന്ന് അന്‍വര്‍ മാധ്യമങ്ങളോട് പറഞ്ഞിരുന്നു.
അതേസമയം, ഇക്കാര്യം സംബന്ധിച്ച് ഇ.ടിക്ക് പി.വി അന്‍വര്‍ മറുപടിയും നല്‍കി. കേരളമാകെ തോറ്റതു കൊണ്ട് രാജിവെയ്‌ക്കേണ്ട ധാര്‍മ്മിക ഉത്തരവാദിത്വം തനിക്കില്ലെന്നാണ് അന്‍വറിന്റെ മറുപടി.
