ഹരീഷ് കല്യാണും റെയ്‌സ വില്‍സണും കേന്ദ്രകഥാപാത്രങ്ങളായെത്തുന്ന റൊമാന്റിക് കോമഡി ചിത്രം പ്യാര്‍ പ്രേം കാതലിന്റെ പ്രൊമോ വീഡിയോ പുറത്തുവിട്ടു. ചിത്രം ആഗസ്റ്റ് 10ന് തിയറ്ററുകളിലെത്തുകയാണ്. 2 മിനിറ്റ് ദൈര്‍ഘ്യമുള്ള പ്രൊമോ വീഡിയോയില്‍ ക്യൂട്ട് കപ്പിള്‍സിനെയാണ് കാണാന്‍ കഴിയുന്നത്.
പ്യാര്‍ പ്രേം കാതലിന്റെ ട്രെയിലറിന് മികച്ച പ്രതികരണമാണ് ലഭിച്ചത്. റൊമാന്റിക് കോമഡി ചിത്രമാണ് പ്യാര്‍ പ്രേം കാതല്‍. വൈഎസ്ആര്‍ ഫിലിംസും കെ പ്രൊഡക്ഷന്‍സുമാണ് ചിത്രം നിര്‍മ്മിക്കുന്നത്. യുവന്‍ ശങ്കര്‍ രാജയാണ് സംഗീതം നല്‍കുന്നത്.
രേഖ, ആനന്ദ് ബാബു, പാണ്ഡ്യന്‍ എന്നിവരും പ്രധാന വേഷങ്ങളിലെത്തുന്നുണ്ട്. തെലുങ്കിലേക്കും ഹിന്ദിയിലേക്കും ചിത്രം റീമേക്ക് ചെയ്യുന്നുണ്ടെന്നും റിപ്പോര്‍ട്ടുകളുണ്ട്.
