ദോഹ: കൊവിഡ് വ്യാപനം രൂക്ഷമായി തുടരുന്ന സാഹചര്യത്തില്‍ ഖത്തറില്‍ നടപ്പിലാക്കിയ പുതിയ നിയന്ത്രണങ്ങളില്‍ കൂടുതല്‍ വ്യക്തത വരുത്തി ഖത്തര്‍ വാണിജ്യ വ്യവസായ മന്ത്രാലയം. ജോലി സ്ഥലത്ത് 50 ശതമാനം ജീവനക്കാര്‍ മാത്രമേ പാടുള്ളു എന്ന നിബന്ധനയില്‍ നിന്ന് 13 മേഖലകളെ ഒഴിവാക്കിയതായി മന്ത്രാലയം അറിയിച്ചു. ഇവ അവശ്യ സേവനങ്ങളാണെന്ന കാര്യം പരിഗണിച്ചാണ് ഇളവ് നല്‍കിയിരിക്കുന്നത്.
ഇവിടങ്ങളിലെ ജോലിക്കാര്‍ 50 ശതമാനത്തില്‍ കൂടിയാലും പ്രശ്നമില്ല. മറ്റു മേഖലകളിലെ സ്ഥാപനങ്ങളില്‍ പകുതിയില്‍ കുറവ് ജീവനക്കാര്‍ മാത്രമേ ജോലി സ്ഥലത്ത് ഹാജരാകാന്‍ പാടുള്ളൂ എന്നാണ് നിയമം. ബാക്കിയുള്ളവര്‍ വര്‍ക്ക് ഫ്രം ഹോം സംവിധാനത്തില്‍ ജോലി ചെയ്യണം. നിയന്ത്രണത്തില്‍ നിന്ന് ഒഴിവാക്കപ്പെട്ട സ്ഥാപനങ്ങള്‍ ഇവയാണ്.
1. ഭക്ഷ്യ വസ്തു വില്‍പ്പന കേന്ദ്രങ്ങള്‍
2. മെയിന്റനന്‍സ് കമ്പനികള്‍
3. വ്യവസായ ശാലകള്‍
4. ഫാര്‍മസികളും ക്ലിനിക്കുകളും
5. ടെലികോം കമ്പനികള്‍
6. സര്‍ക്കാര്‍ പദ്ധതികളില്‍ പ്രവര്‍ത്തിക്കുന്ന കമ്പനികള്‍
7.ഇകൊമേഴ്‌സ് കമ്പനികള്‍
8. ഭക്ഷണ ഡെലിവറി കമ്പനികള്‍
9. പെട്രോള്‍ പമ്പുകള്‍
10. റസ്റ്റൊറന്റുകള്‍ (ഡെലിവറി, പാര്‍സല്‍ സേവനം മാത്രം)
11. ഖത്തര്‍ സെന്‍ട്രല്‍ ബാങ്ക് ലൈസന്‍സുള്ള സാമ്പത്തിക സ്ഥാപനങ്ങള്‍
12. ബേക്കറികള്‍
13. തുറമുഖങ്ങള്‍, വിമാനത്താവളങ്ങള്‍ തുടങ്ങിയ ഇടങ്ങളില്‍ പ്രവര്‍ത്തിക്കുന്ന ലോജിസ്റ്റിക്‌സ് കമ്പനികള്‍
