കൊച്ചി: ഖത്തര്‍ പ്രതിസന്ധിക്കിടെ കോഴിക്കോട്ട് ഒറ്റ ദിവസം റദ്ദായത് ദോഹ വഴിയുള്ള അഞ്ഞൂറിലധികം യാത്രടിക്കറ്റുകള്‍. ജിദ്ദയിലേക്കും മറ്റ് ഗള്‍ഫ് രാജ്യങ്ങളിലേക്കും ദോഹ വഴി കണക്ഷന്‍ ഫ്‌ളൈറ്റുകള്‍ ബുക്ക് ചെയ്തവരാണ് യാത്ര റദ്ദാക്കിയിരിക്കുന്നത്.
ഉംറക്ക് പോയവരും തയ്യാറെടുപ്പുകള്‍ നടത്തുന്നവരുമടക്കം ആയിരകണക്കിന് യാത്രക്കാരാണ് ഖത്തര്‍ പ്രതിസന്ധിയില്‍ കുടങ്ങിയിരിക്കുന്നത്. ഉംറ കഴിഞ്ഞ് ജിദ്ദയില്‍ നിന്നും ദോഹ വഴി മടക്ക ടിക്കറ്റെടുത്തവരെല്ലാം യാത്ര റദ്ദ് ചെയ്തിരിക്കുകയാണ്.
ജിദ്ദയിലേക്ക് കോഴിക്കോട് നിന്നും നേരിട്ട് സര്‍വീസില്ല. ഉള്ളതെല്ലാം ദോഹ വഴിയോ അബുദാബി വഴിയോ ഉള്ള കണക്ഷന്‍ വിമാനങ്ങളാണ്.
യുഎഇ ബഹ്‌റിന്‍ സൗദി വഴിയുള്ള ഫ്‌ളൈറ്റുകളെല്ലാം ഖത്തര്‍ എയര്‍ വെയ്‌സ് അനിശ്ചിത കാലത്തേക്ക് നിര്‍ത്തിവെച്ചിരിക്കുകയാണ്.
