സൂപ്പർ താരം ആർ മാധവൻ കേന്ദ്ര കഥാപാത്രമാകുന്ന ത്രില്ലർ വെബ് പരമ്പര ബ്രീത്തിന്റെ ട്രെയിലർ പുറത്തിറങ്ങി. മാധവനാണ് സീരിസിന്റെ ട്രെയിലർ പുറത്തിറക്കിയത്. അമിത് സാദും , മാധവനുമാണ് ബ്രീത്തിലെ കേന്ദ്ര കഥാപാത്രങ്ങൾ.
മായങ്ക് ശർമ്മ സംവിധാനം ചെയ്യുന്ന വെബ് പരമ്പര ജനുവരി 26ന് ഹിന്ദി, തമിഴ്, തെലുങ്ക് എന്നീ ഭാഷകളിൽ ലോകവ്യാപകമായി റിലീസ് ചെയ്യും. ശ്വാസകോശത്തിലെ അണുബാധയെ തുടർന്ന് രോഗബാധിതനായ മകന്റെ ജീവൻ രക്ഷിക്കാൻ ശ്രമിക്കുന്ന ഒരു അച്ഛന്റെ കഥയാണ് ബ്രീത്.
ആമസോൺ പ്രൈം ഒറിജിനൽ ഒരുക്കുന്ന ബ്രീത് നിർമ്മിക്കുന്നത് അബുൻഡന്റിയ എന്റർടൈൻമെന്റ് ആണ്. 8 എപ്പിസോഡ് പരമ്പരകളായി ഒരേസമയം 200 രാജ്യങ്ങളിൽ ബ്രീത് റിലീസ് ചെയ്യും. മാധവൻ അഭിനയിക്കുന്ന ആദ്യത്തെ വെബ് പരമ്പരയാണ് ബ്രീത്.
