നടന്‍ രാഹുല്‍ മാധവ് മലയാളത്തില്‍ അഭിനയിക്കുന്നു. നവാഗതനായ ജോഷി തോമസ് സംവിധാനം ചെയ്യുന്ന സിനിമയില്‍ ഒരു എന്‍ജിനീയറിങ്ങ് വിദ്യാര്‍ത്ഥിയുടെ വേഷത്തിലാണ് രാഹുല്‍ എത്തുന്നത്.
സൗഹൃദത്തെ കുറിച്ച് പറയുന്ന ഒരു ചിത്രമാണിത്. അനില്‍കുമാര്‍ എന്നാണ് കഥാപാത്രത്തിന്റെ പേര്.നഗരത്തില്‍ ജനിച്ചു വളര്‍ന്ന സൗഹൃദത്തിനും വ്യക്തിബന്ധങ്ങള്‍ക്കും പ്രാധാന്യം കല്‍പ്പിക്കുന്ന കഥാപാത്രമായാണ് ചിത്രത്തില്‍ അഭിനയിക്കുന്നത് രാഹുല്‍ പറഞ്ഞു.
യുവാക്കളെ ലക്ഷ്യമിട്ടുകൊണ്ടുള്ള ഒരു ചിത്രത്തില്‍ അഭിനയിക്കാന്‍ രണ്ടാമതൊന്ന് ആലോചിക്കേണ്ടി വന്നില്ല . ക്യാംപസ് ചിത്രങ്ങള്‍ക്ക് നിരവധി പ്രേക്ഷകര്‍ എന്നും ഉണ്ടാവും.
ക്ലാസ്‌മേറ്റ്‌സ് പോലുള്ള ചിത്രങ്ങളുടെ വലിയ ആരാധകനാണ് താന്‍ എന്നും വളരെ ആവേശത്തോടെയാണ് രാഹുല്‍ പറയുന്നത്. മാത്രമല്ല ജോഷിയുടെ സിനിമയോടുള്ള ആത്മാര്‍ത്ഥത വളരെ വലുതാണെന്നും താരം വ്യക്തമാക്കന്നു.
പുതുമുഖങ്ങളാണ് ചിത്രത്തില്‍ കൂടുതലും അഭിനയിക്കുന്നത്. രജ്ഞിപണിക്കര്‍, ശബരീഷ് വര്‍മ്മ എന്നിവര്‍ ചിത്രത്തില്‍ പ്രധാന കഥാപാത്രങ്ങളായി എത്തുന്നുണ്ട്.
ഒപ്പം സൈജു കുറുപ്പും തമ്പി ആന്റണിയും സിനിമയില്‍ അഭിനയിക്കുന്നു. മുണ്ടകയം, കുട്ടിക്കാനം, പൊന്‍കുന്നം എന്നിവിടങ്ങളിലാണ് ചിത്രീകരണം നിശ്ചയിച്ചിരിക്കുന്നത്. സിനിമ ജൂലായില്‍ റിലീസ് ചെയ്യും.
