ദുരിതാശ്വാസ പ്രവര്ത്തനങ്ങള് ഏകോപിപ്പിക്കാനും മഴക്കെടുതികള് വിലയിരുത്താനും മുഖ്യമന്ത്രി പിണറായി വിജയന് ജില്ലാ കളക്ടര്മാരുടെ യോഗം വിളിച്ചു. ഇന്ന് വൈകിട്ട് നാലുമണിക്കാണ് യോഗം. തെക്കന് ജില്ലകളിലടക്കം കനത്ത മഴ തുടരുന്ന സാഹചര്യത്തില് ദുരന്ത നിവാരണ അതോറിറ്റിയുടെ ഓഫീസ് സന്ദര്ശിച്ച് മുഖ്യമന്ത്രി സ്ഥിതിഗതികള് മനസ്സിലാക്കി. ചീഫ് സെക്രട്ടറിയുള്പ്പെടെയുള്ള ഉന്നത ഉദ്യോഗസ്ഥര്ക്കൊപ്പമാണ് മുഖ്യമന്ത്രി ദുരന്ത നിവാരണ അതോറിറ്റിയുടെ ഓഫീസ് സന്ദര്ശിച്ചത്. ദുരന്ത നിവാരണ അതോറിറ്റി അതത് സമയങ്ങളില് നല്കുന്ന മുന്നറിയിപ്പുകള് കൃത്യമായി പാലിക്കാന് എല്ലാവരും തയ്യാറാകണമെന്ന് മുഖ്യമന്ത്രി അഭ്യര്ത്ഥിച്ചു.
അടുത്ത അഞ്ചുദിവസം ശക്തമായ മഴയ്ക്കുള്ള സാധ്യതയാണ് കേന്ദ്ര കാലാവസ്ഥാ വകുപ്പ് കാണുന്നത്. ജനങ്ങള് അതീവ ജാഗ്രത പുലര്ത്തണം. പോലീസ്, അഗ്നിരക്ഷാസേന, മറ്റ് സര്ക്കാര് സംവിധാനങ്ങള് എന്നിവരോട് ജാഗരൂഗരായിരിക്കാന് നിര്ദ്ദേശം നല്കിയിട്ടുണ്ട്. മത്സ്യത്തൊഴിലാളികള് യാതൊരു കാരണവശാലും കടലില് പോകരുത്. ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളില് നിന്ന് ആളുകളെ മാറ്റിപ്പാര്പ്പിക്കാന് നിര്ദേശം നല്കിയിട്ടുണ്ട്. ആവശ്യമെങ്കില് ക്യാമ്പുകളിലേക്ക് മാറ്റണം. ക്യാമ്പുകളില് സൗകര്യങ്ങള് ഉറപ്പാക്കണം. നദികള്, ജലാശയങ്ങള്, തോടുകള് തുടങ്ങിയ സ്ഥലങ്ങളില് കുളിക്കാനോ അലക്കാനോ മൃഗങ്ങളെ കുളിപ്പിക്കാനോ ഇറങ്ങരുത്. രാത്രി യാത്രകള് പരമാവധി ഒഴിവാക്കണം.