രാജസ്ഥാന്‍: രാജസ്ഥാന്‍ നിയമസഭാ തെരഞ്ഞെടുപ്പ്, ബിജെപി പ്രകടന പത്രിക പുറത്തിറക്കി. ബിജെപി അധ്യക്ഷന്‍ ജെപി നദ്ദയാണ് പത്രിക പുറത്തിറക്കിയത്. 5 വര്‍ഷം കൊണ്ട് 2.5 ലക്ഷം തൊഴിലവസരങ്ങള്‍, ഗോതമ്പ് കര്‍ഷകര്‍ക്ക് ബോണസ് തുടങ്ങിയവയാണ് പ്രധാനമായി മുന്നോട്ട് വക്കുന്ന കാര്യങ്ങള്‍.
ചോദ്യപേപ്പര്‍ ചോര്‍ച്ച അന്വേഷിക്കാന്‍ പ്രത്യേക സംഘത്തെ നിയമിക്കും, എയിംസ് പോലെയുള്ള ആശുപത്രികള്‍ സംസ്ഥാനത്ത് നിര്‍മിക്കും, സ്ത്രീ സുരക്ഷയ്ക്ക് ആന്റി റോമിയോ സ്‌ക്വാഡുകള്‍ നിയമിക്കുമെന്നും പ്രകടന പത്രികയില്‍ പറയുന്നു. രാജസ്ഥാന്റെ വികസനത്തിലേക്കുള്ള മാര്‍ഗ്ഗ രേഖയാണ് ഇതെന്ന് ജെപി നദ്ദ പറഞ്ഞു.
