കൊച്ചി: കേന്ദ്രമന്ത്രി രാജീവ് ചന്ദ്രശേഖറിനെതിരെ ജോണ് ബ്രിട്ടാസ് എം പി. കളമശേരി സ്ഫോടനത്തിന്റെ പശ്ചാത്തലത്തില് സാമൂഹമാധ്യമങ്ങളിലൂടെ വിദ്വേഷ പ്രചാരണം നടത്തിയതിനെതിരെയാണ് ജോണ് ബ്രിട്ടാസിന്റെ പ്രതികരണം. 81 കോടി ഇന്ത്യക്കാരുടെ വളരെ സെന്സിറ്റീവായ സ്വകാര്യ വിവരങ്ങല് നഷ്ടപ്പെട്ട സാഹചര്യത്തില് സാമുദായിക പൊരുത്തക്കേടും സാമൂഹിക മണ്ഡലവും മലിനമാക്കാന് കേരളത്തില് പര്യടനം നടത്തുകയാണോ കേന്ദ്ര ഐ ടി മന്ത്രി രാജീവ് ചന്ദ്രശേഖറെന്ന് ജോണ് ബ്രിട്ടാസ് എം പി ‘എക്സില്’ കുറിച്ചു.
എക്സില് കുറിച്ചത്
എന്താണ് ബഹു.മന്ത്രി രാജീവ് ചന്ദ്രശേഖര് 81 കോടി ഇന്ത്യക്കാരുടെ വളരെ സെന്സിറ്റീവായ സ്വകാര്യ വിവരങ്ങള് നഷ്ടപ്പെട്ടപ്പോള്. സാമുദായിക പൊരുത്തക്കേടും സാമൂഹിക മണ്ഡലവും മലിനമാക്കാന് കേരളത്തില് പര്യടനം നടത്തുകയാണോ?
What’s Hon. Minister @Rajeev_GoI doing when 81 crore Indians lost their very sensitive personal data under his watch. Touring Kerala to inflame communal disharmony and polluting social sphere? https://t.co/HYCirU4MAQ
— John Brittas (@JohnBrittas) October 31, 2023
അതേസമയം തന്റെയും ഫോണും, ഇമെയിലും ചോര്ത്തിയതായി ശശി തരൂര് എം പി ആരോപിച്ചു .രാഹുല് ഗാന്ധിയുടെ ഓഫീസിലെ മൂന്ന് പേരുടെയും വിവരങ്ങള് ചോര്ത്തിയെന്നും ആക്ഷേപമുണ്ട്.ഇത് സംബന്ധിച്ച സന്ദേശം ഫോണിലെത്തിയെന്ന് തരൂര് സമൂഹമാധ്യമത്തില് കുറിച്ചു.മഹുവ മൊയ്ത്ര എംപിയാണ് ഫോണ് ചോര്ത്തല് സംബന്ധിച്ച ആരോപണവുമായി ഇന്ന് രാവിലെ ആദ്യം രംഗത്ത് വന്നത്.