തമിഴ് ത്രില്ലര്‍ ചിത്രം രാക്ഷസന്റെ തെലുങ്കു റീമേക്ക് ‘രാക്ഷസുടു’വിന്റെ ട്രെയ്‌ലര്‍ പുറത്തിറങ്ങി. നവാഗതനായ രമേഷ് വര്‍മയാണ് തെലുങ്ക് റീമേക്ക് സംവിധാനം ചെയ്തിരിക്കുന്നത്.കഴിഞ്ഞ വര്‍ഷം പുറത്തിറങ്ങിയ രാക്ഷസന് വന്‍ സ്വീകാര്യതയാണ് ലഭിച്ചിരുന്നത്. ചിത്രം മികച്ച നിരൂപക പ്രശംസയും നേടിയിരുന്നു.
വിഷ്ണു വിശാലിന് പകരം ബെല്ലംകൊണ്ട ശ്രീനിവാസാണ് തെലുങ്കില്‍ നായകവേഷത്തില്‍ എത്തുന്നത്. അമല പോള്‍ ചെയ്ത കഥാപാത്രമായി മലയാളിതാരം അനുപമ പരമേശ്വരനും എത്തുന്നു. ശരവണന്‍ തന്നെയാണ് തെലുങ്കിലും ക്രിസ്റ്റഫര്‍ എന്ന സൈക്കോ വില്ലനായി എത്തുന്നത്.
