മോഹന്‍ലാലിന്റെ സൂപ്പര്‍ഹിറ്റ് ചിത്രമായ ഒപ്പത്തിന്റെ തെലുങ്ക് പതിപ്പായ കനുപാപയെ കുറിച്ചുള്ള രാംഗോപാല്‍ വര്‍മ്മയുടെ കമന്റ് സോഷ്യല്‍ മീഡിയയില്‍ വൈറലാകുന്നു.
ടോളിവുഡിലെ ചില താരങ്ങള്‍ക്ക് സാധിക്കാത്തത് മോഹന്‍ലാല്‍ വെറും മൂന്ന് സിനിമകള്‍ കൊണ്ട് നേടി. കനുപാപ ഉയര്‍ന്ന നിലവാരമുള്ള സിനിമയാണ്.എല്ലാവരും നിര്‍ബന്ധമായും കണ്ടിരിക്കേണ്ട സിനിമ.സ്ഥിരം ഫോര്‍മുലയില്‍ നിന്നും മാറി സഞ്ചരിച്ചു കൊണ്ടുള്ള സിനിമയാണിത്.
മോഹന്‍ലാലിന്റെ തെലുങ്ക് സിനിമകളായ ജനതാ ഗാരേജും മനമന്ദയും സൂപ്പര്‍ഹിറ്റ് വിജയം നേടിക്കഴിഞ്ഞിരിക്കുന്നു. 150 കോടി ക്ലബില്‍ ഇടം നേടിയ ആദ്യ മലയാള സിനിമയായ പുലിമുരുകന്റെ തെലുങ്ക് പതിപ്പായ മാന്യംപുലിയും മോഹന്‍ലാലിന് ടോളിവുഡില്‍ വന്‍ വിജയം നേടിക്കൊടുത്തു. പിന്നാലെ ഒപ്പം തെലുങ്കിലേക്ക് ഡബ് ചെയ്ത് എത്തിച്ചപ്പോഴും വന്‍ വിജയമാണ് നേടിയത്‌.പ്രിയദര്‍ശനാണ് ഒപ്പം സംവിധാനം ചെയ്തത്.
