ദുബായ് : വിശുദ്ധ റംസാന്‍ മാസത്തില്‍ യു.എ.ഇ യിലെ പൊതുമേഖലാ ജീവനക്കാരുടെ ജോലി സമയം പ്രഖ്യാപിച്ചു. ജീവനക്കാരുടെ ജോലി സമയം അഞ്ച് മണിക്കൂറായിരിക്കുമെന്ന് ഫെഡറല്‍ അതോറിറ്റി ഫോര്‍ ഗവണ്മെന്റ് ഹ്യൂമന്‍ റിസോഴ്‌സസ് ഇന്ന് പുറത്തിറക്കിയ സര്‍ക്കുലറില്‍ പറയുന്നു.
എല്ലാ മന്ത്രാലയങ്ങളുടെയും ഫെഡറല്‍ ഏജന്‍സികളുടെയും ജോലി സമയം അഞ്ച് മണിക്കൂറായിരിക്കും.
ഓഫീസുകള്‍ രാവിലെ ഒമ്പത് മണിക്ക് ആരംഭിച്ച് ഉച്ചക്ക് രണ്ടുമണിക്ക് അവസാനിക്കും.
ജോലിയുടെ സ്വഭാവത്തിനനുസരിച്ച് അധിക മണിക്കൂര്‍ പ്രവര്‍ത്തനം ആവശ്യമായി വരുന്നത് ഒഴികെയാണ് ഇത് ബാധകമാകുക. പുണ്യ റമദാന്‍ മാസം ഏപ്രില്‍ 24 ന് ആരംഭിക്കുമെന്നാണ് പ്രതീക്ഷിക്കുന്നത്.
