രാജ്കുമാര്‍ ഹിറാനി സംവിധാനം ചെയ്യുന്ന പുതിയ ചിത്രം ‘സഞ്ജു’വിന്റെ ട്രെയിലര്‍ 30 ന് പുറത്തിറങ്ങും. സഞ്ജയ് ദത്തായി ബോളിവുഡിന്റെ യൂത്ത് ഐക്കണ്‍ രണ്‍ബീറെത്തുന്ന ചിത്രത്തിലെ രണ്‍ബീറിന്റെ ലുക്കാണ് ആസ്വാദകരെ ഞെട്ടിച്ചിരുന്നു. നടപ്പിലും ഭാവത്തിലുമെല്ലാം സഞ്ജയ് ദത്തായി മാറിയിരുന്നു രണ്‍ബീര്‍.
ചിത്രം ജൂണ്‍ 29ന് റിലീസ് ചെയ്യും. രണ്‍ബീറിന്റെ മേക്ക് ഓവറും ലുക്കുമെല്ലാം ആരാധകര്‍ക്ക് വലിയ പ്രതീക്ഷയാണ് നല്‍കുന്നത്. പരേഷ് റാവല്‍, ദിയ മിര്‍സ, സോനം കപൂര്‍, അനുഷ്‌ക ശര്‍മ എന്നിവരും ചിത്രത്തില്‍ അഭിനയിക്കുന്നുണ്ട്.
