രഞ്ജിത് ശങ്കര്‍ സംവിധാനം ചെയ്യുന്ന പുതിയ ചിത്രം ‘ഞാന്‍ മേരിക്കുട്ടി’ പെരുന്നാള്‍ റിലീസായി തിയേറ്ററുകളിലെത്തുന്നു. ജയസൂര്യയാണ് ജൂണ്‍ 15ന് ചിത്രം തിയേറ്ററുകളിലെത്തുമെന്ന് അറിയിച്ചിരിക്കുന്നത്. ചിത്രത്തില്‍ പ്രധാന വേഷത്തില്‍ എത്തുന്നതും ജയസൂര്യ ആണെന്നാണ് സൂചന. ഇതു വരെയും അഭിനേതാക്കളെ സംബന്ധിച്ച വിവരങ്ങള്‍ അണിയറ പ്രവര്‍ത്തകര്‍ വെളിപ്പെടുത്തിയിട്ടില്ല.
ഡ്രീംസ് ആന്റ് ബിയോണ്ട് നിര്‍മ്മിക്കുന്ന ഞാന്‍ മേരിക്കുട്ടി ജയസൂര്യയുടെയും രഞ്ജിത്തിന്റെയും സംയുക്ത സംരംഭമായ പുണ്യാളന്‍ സിനാമാസാണ് വിതരണത്തിനെത്തിക്കുന്നത്.
