റാഞ്ചി: മൃഗശാല കാണാന്‍ പോയ യുവാവിന് ദാരുണാന്ത്യം. റാഞ്ചിയിലെ ഒര്‍മഞ്ചി മൃഗശാലയിലാണ് സംഭവം.
മൃഗശാല സന്ദര്‍ശിക്കാനെത്തിയ യുവാവാണ് മരത്തിന്റെ മുകളില്‍ നിന്നും കടുവയുടെ കൂട്ടിലേക്ക് വീണ് അപകടത്തില്‍പ്പെട്ടത്. കൂട്ടിലേക്ക് വീണ ഇയാളെ ഉടന്‍തന്നെ അനുഷ്‌ക എന്ന പെണ്‍കടുവ ആക്രമിക്കുകയായിരുന്നു. ജീവനക്കാര്‍ ഉടന്‍തന്നെ കടുവയുടെ പിടിയില്‍ നിന്ന് രക്ഷിക്കാന്‍ ശ്രമിച്ചെങ്കിലും സാധിച്ചില്ല. ആളെ ഇതുവരെ തിരിച്ചറിഞ്ഞിട്ടില്ല.
യുവാവിന്റെ മൃതദേഹം പിന്നീട് കൂടിനുള്ളില്‍ നിന്നും നീക്കം ചെയ്തു. സമാനമായ സംഭവം 2014ല്‍ ഡല്‍ഹി മൃഗശാലയില്‍ നടന്നിരുന്നു.
