പാലക്കാട്: പാലക്കാട് മാനസിക അസ്വസ്ഥതയുള്ള പ്രായപൂര്‍ത്തിയാവാത്ത ആദിവാസി പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍.
മണ്ണമ്പറ്റ സ്വദേശി സത്യകുമാറിനെയാണ് പൊലീസ് അറസ്റ്റ് ചെയ്തിരിക്കുന്നത്. ഇയാളെ പെണ്‍കുട്ടിയുടെ അച്ഛനും നാട്ടുകാരും ചേര്‍ന്ന് പിടികൂടി പൊലീസില്‍ ഏല്‍പ്പിക്കുകയായിരുന്നു.
ഞായറാഴ്ച രാത്രിയായിരുന്നു പെണ്‍കുട്ടി പീഡനത്തിനിരയായത്. രക്ഷിതാക്കള്‍ ഇല്ലാത്ത സമയത്ത് വീടിനുളളില്‍ കടന്ന് സത്യകുമാര്‍ പെണ്‍കുട്ടിയെ പീഡിപ്പിക്കുകയായിരുന്നു. അപരിചിതന്‍ വീട്ടിലേക്ക് കയറുന്നതു കണ്ട അയല്‍വാസികളാണ് പെണ്‍കുട്ടിയുടെ അച്ഛനെ വിവരമറിയിച്ചത്. തുടര്‍ന്ന് പെണ്‍കുട്ടിയുടെ അച്ഛനും നാട്ടുകാരും ചേര്‍ന്നാണ് പ്രതിയെ പിടികൂടി മണ്ണാര്‍ക്കാട് പൊലീസില്‍ ഏല്‍പ്പിച്ചത്.
