ഗയ: ഡോക്ടറെ മരത്തില്‍ കെട്ടിയിട്ട ശേഷം ഭാര്യയേയും മകളെയും തോക്ക് ചൂണ്ടി ഭീക്ഷണി പെടുത്തി കൂട്ടമാനഭംഗത്തിനിരയാക്കി. ബിഹാറിലെ ഗയയിലായിരുന്നു ക്രൂര സംഭവം അരങ്ങേറിയത്. സംഭവുമായി ബന്ധപ്പെട്ട് 12 പേരെ പൊലീസ് അറസ്റ്റ് ചെയ്തു.
ഡോക്ടറും കുടുംബവും ബൈക്കില്‍ പോകുമ്പോഴായിരുന്നു യുവാക്കള്‍ തടഞ്ഞു നിര്‍ത്തി ഇവരെ തട്ടിക്കൊണ്ടുപോയത്. ഇരുപതോളം വരുന്ന സംഘമാണ് ഇവരെ ആക്രമിച്ചത്. ഭാര്യയേയും മകളെയും ഉപദ്രവിച്ചപ്പോള്‍ തടഞ്ഞ ഡോക്ടറെ സംഘം ബലംപ്രയോഗിച്ച് അടുത്തുള്ള മരത്തില്‍ കെട്ടിയിടുകയായിരുന്നു. ഇതിനു ശേഷം ഭാര്യയേയും പന്ത്രണ്ടു വയസുള്ള മകളെയും അക്രമികള്‍ ക്രൂരമാനഭംഗത്തിനു വിധേയമാക്കുകയായിരുന്നു.
ഡോക്ടറുടെ പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചു. സംഭവുമായി ബന്ധപ്പെട്ട് 12 പേര്‍ അറസ്റ്റിലായിട്ടുണ്ട്.
