കണ്ണൂര്‍: ശ്രീകണ്ഠപുരത്ത് പ്ലസ്ടു വിദ്യാര്‍ഥിനിയെ തട്ടിക്കൊണ്ടുപോയി പീഡിപ്പിച്ച കേസില്‍ സ്വകാര്യ ബസ് ഡ്രൈവര്‍ അറസ്റ്റില്‍.
കാഞ്ഞിരങ്ങാട്ടെ എ.കെ.ശ്രീകാന്തിനെ (32)യാണ് പൊലീസ് അറസ്റ്റ് ചെയ്തത്.
കഴിഞ്ഞ 12ന് രാവിലെ സ്‌കൂളിലേക്കെന്ന് പറഞ്ഞ് വീട്ടില്‍ നിന്നിറങ്ങിയ പെണ്‍കുട്ടിയെ പിന്നീട് കാണാതാവുകയായിരുന്നു.
ബസ് യാത്രക്കിടെ സൗഹൃദത്തിലായ പെണ്‍കുട്ടിയെ പയ്യാമ്പലം ബീച്ച് കാണിക്കാമെന്ന് പറഞ്ഞ് സുഹൃത്തിന്റെ കാറില്‍ കൊണ്ടുപോവുകയായിരുന്നു. തുടര്‍ന്ന് തലശേരി, മംഗലാപുരം എന്നിവിടങ്ങളിലെത്തിച്ച് പീഡിപ്പിച്ചു. ദൃശ്യങ്ങള്‍ മൊബൈല്‍ ഫോണില്‍ പകര്‍ത്തുകയും പീഡന വിവരം പുറത്ത് പറഞ്ഞാല്‍ ദൃശ്യങ്ങള്‍ പ്രചരിപ്പിക്കുമെന്നും കൊന്നുകളയുമെന്ന് ഭീഷണിപ്പെടുത്തുകയും ചെയ്തു.
വ്യാഴാഴ്ച ഉച്ചയോടെ വീട്ടുപരിസരത്തെ റോഡില്‍ ഉപേക്ഷിച്ച പെണ്‍കുട്ടി പൊലീസ് സ്റ്റേഷനില്‍ പരാതി നല്‍കുകയായിരുന്നു. പൊലീസ് കേസെടുത്തിട്ടുണ്ടെന്നറിഞ്ഞ പ്രതി ബംഗളൂരുവിലേക്ക് രക്ഷപ്പെടാന്‍ ശ്രമിക്കുന്നതിനിടെ രാവിലെ തളിപ്പറമ്പ് ബസ് സ്റ്റാന്‍ഡില്‍ നിന്നാണ് അറസ്റ്റ് ചെയ്തത്. ബൈക്കിലെത്തി സ്ത്രികളുടെ മാല കവര്‍ന്ന കേസില്‍ കണ്ണൂര്‍, കണ്ണപുരം പൊലീസ് സ്റ്റേഷനുകളില്‍ ഇയാള്‍ക്കെതിരെ കേസുള്ളതായി അന്വേഷണ സംഘം പറഞ്ഞു.
