ഗ്രാമി അവാര്‍ഡ് ചടങ്ങില്‍ പങ്കെടുക്കാനിരിക്കെ കവര്‍ച്ച നടത്തിയെന്ന സംശയത്തിന്റെ പേരില്‍ റാപ്പര്‍ വൈജി അറസ്റ്റിലായി. ലോസ് ഏഞ്ചല്‍സ് അധികൃതരാണ് അറസ്റ്റ് ചെയ്തത്.
പിന്നീട് വൈജിയെ ജാമ്യത്തില്‍ വിടുകയും ചെയ്തതായി അധികൃതര്‍ പറഞ്ഞു. എന്തിനാണ് അറസ്റ്റ് എന്നോ കവര്‍ച്ചാക്കുറ്റം എന്താണെന്നോ ഇതുവരെ വ്യക്തമല്ല. ഞായറാഴ്ച നിപ്‌സെ ഹസ്‌ലെയ്ക്ക് ആദരവായി ഗ്രാമി അവാര്‍ഡ് ചടങ്ങില്‍ പ്രോഗ്രാം ചെയ്യാനിരിക്കുകയായിരുന്നു വൈജി.
കഴിഞ്ഞ വര്‍ഷം അമേരിക്കന്‍ റാപ്പറും ആക്റ്റീവിസ്റ്റുമായി നിപ്‌സെ ഹസ്‌ലെയെ ലോസ് ഏഞ്ചല്‍സില്‍ വെച്ച് എറിക് ഹോള്‍ഡര്‍ എന്നയാള്‍ വെടിവെച്ച് കൊന്നിരുന്നു. ഈ കൊലയുമായി ബന്ധപ്പെട്ട് വൈജിയുടെ വസതിയിലും അധികൃതര്‍ തിരച്ചില്‍ നടത്തിയിരുന്നു.
