മെല്‍ബണ്‍: പെര്‍ത്തിലേറ്റ പരാജയത്തിന് ഓസിസിന് മെല്‍ബണില്‍ തകര്‍പ്പന്‍ മറുപടി കൊടുത്ത ഇന്ത്യന്‍ താരങ്ങളെ ഇന്ത്യന്‍ കായികലോകം അഭിനന്ദനങ്ങള്‍കൊണ്ട് മൂടുകയാണ്. ഇന്ത്യന്‍ നായകന്‍ വിരാട് കൊഹ്‌ലിക്കും ടീം അംഗങ്ങള്‍ക്കും പ്രശംസകളുടെ പ്രവാഹമാണ് സോഷ്യല്‍ മീഡിയകളില്‍.
എന്നാല്‍ ഇന്ത്യന്‍ ടീമിന്റെ പരിശീലകന് രവി ശാസ്ത്രിക്ക് നേരെ വന്‍ വിമര്‍ശനങ്ങളാണ് ഉയര്‍ന്നു വരുന്നത്. അതിന് കാരണം മറ്റൊന്നുമല്ല മത്സരശേഷം ടീം ഹോട്ടലിലേക്ക് മടങ്ങിയെത്തുമ്പോള്‍ ബിയര്‍ കഴിച്ചു കൊണ്ട് വണ്ടിയില്‍ നിന്നും രവി ശാസ്ത്രി പുറത്തേക്ക് വരുന്ന വീഡിയോയാണ് വിവാദമായി മാറിയിരിക്കുന്നത്.
#AUSvIND A little dance from @imVkohli as The Bharat Army give #TeamIndia a special welcome back to the team hotel. #BharatArmy #TeamIndia #IndianCricketTeam #COTI ?? pic.twitter.com/wEHElXDy9H
— The Bharat Army (@thebharatarmy) December 30, 2018
ടീമിനെ സ്വീകരിക്കാനായി ആരാധകര്‍ പുറത്ത് കാത്ത് നില്‍ക്കെയായിരുന്നു താരങ്ങളേയും കൊണ്ട് ബസ് കടന്നു വരുന്നത്. വണ്ടിയുടെ വാതില്‍ തുറന്ന് ആദ്യം പുറത്തിറങ്ങിയത് രവി ശാസ്ത്രിയായിരുന്നു.കൈയ്യില്‍ ബിയര്‍ കുപ്പിയുമായാണ് ശാസ്ത്രി വണ്ടിയില്‍ നിന്നുമിറങ്ങിയത്. ബിയര്‍ കുടിക്കുകയും ചെയ്യുന്നുണ്ട് ശാസ്ത്രി. ആരാധകരെ നോക്കുക പോലും ചെയ്യാതെയാണ് ശാസ്ത്രി ഹോട്ടലിന് അകത്തേക്ക് കടന്നു പോവുകയായിരുന്നു.
പരിസര ബോധമില്ലാതെ മദ്യവുമായി നടന്ന വീഡിയോ സോഷ്യല്‍ മീഡിയയില്‍ പ്രചരിക്കാന്‍ തുടങ്ങിയതോടെ ശാസ്ത്രിക്കെതിരെ വിമര്‍ശനവുമായി ആരാധകര്‍ രംഗത്തെത്തി.
