ഇന്‍സ്റ്റഗ്രാം പോസ്റ്റില്‍ കമന്റിട്ട ആരാധകനെ ഇഡിയറ്റ് എന്നു വിളിച്ച് ഇന്ത്യന്‍ ക്രിക്കറ്റ് താരം രവീന്ദ്ര ജഡേജ. തന്റെ പുതിയ ഹെയര്സ്റ്റൈലിനെക്കുറിച്ച് അഭിപ്രായം ചോദിച്ചുകൊണ്ട് ജഡേജ ഇട്ട ഇന്‍സ്റ്റഗ്രാം പോസ്റ്റില്‍ മറ്റ് കാര്യങ്ങളില്‍ നിന്നും ശ്രദ്ധ വിട്ട് കളിയില്‍ മാത്രം ശ്രദ്ധിക്കൂ എന്ന് കമന്റിട്ട ആരാധകനെയാണ് ജഡേജ ഇഡിയറ്റ് എന്നു വിളിച്ചത്.
പുതിയ ഹെയര്സ്റ്റൈലിനെക്കുറിച്ച് അഭിപ്രായം പറയൂ എന്ന് പറഞ്ഞായിരുന്നു ജഡേജയുടെ ഇന്‍സ്റ്റഗ്രാം പോസ്റ്റ്. അതിടിയിലായിരുന്നു, കളിയില്‍ മാത്രം ശ്രദ്ധിക്കാന്‍ നിര്‍ദേശിച്ചുള്ള ആരാധകന്റെ കമന്റ്. നിങ്ങളുടെ സ്ഥലത്ത് ടിവി ഉണ്ടോ? കഴിഞ്ഞ കളി കണ്ടോ, ഇഡിയറ്റ് എന്നും പറഞ്ഞായിരുന്നു ജഡേജ തിരിച്ചടിച്ചത്.
ഓസീസിനെതിരെ സിഡ്‌നിയില്‍ ജഡേജ 114 ബോളില്‍ നിന്നും 84 റണ്‍സ് നേടിയിരുന്നു. 204 റണ്‍സിന്റെ കൂട്ടുകെട്ടായിരുന്നു സിഡ്‌നിയില്‍ ജഡേജ പന്തിനൊപ്പം ചേര്‍ന്ന് തീര്‍ത്തത്. ഓസീസിനെതിരെ ആദ്യ രണ്ട് ടെസ്റ്റുകളും ജഡേജയ്ക്ക് നഷ്ടമായെങ്കിലും അശ്വിന് പരിക്കില്‍ നിന്നും പുറത്തുവരുവാന്‍ സാധിക്കാതിരുന്നതോടെ ജഡേജ പ്ലേയിങ് ഇലവനിലേക്ക് എത്തി. രണ്ട് ടെസ്റ്റില്‍ നിന്ന് ഏഴ് വിക്കറ്റും ജഡേജ നേടി.
