ഫ്രാങ്ക്ഫര്‍ട്ട് താരം ലൂക്ക യോവികിനെ ലക്ഷ്യം വെച്ച് റയല്‍ മാഡ്രിഡ്. ബുണ്ടസ്ലീഗെയില്‍ ഈ സീസണില്‍ മികച്ച പ്രകടനമാണ് ലൂക്ക കാഴ്ച വെച്ചത്. റയല്‍ മാഡ്രിഡ് താരത്തെ ഔദ്യോഗികമായി സ്വന്തമാക്കും എന്നാണ് സ്പാനിഷ് മാധ്യമമായ എ എസ് റിപ്പോര്‍ട്ട് ചെയ്യുന്നത്.
21 വയസുകാരനായ ലൂക്ക 60 മില്യണ്‍ യൂറോയോളം വിലയുള്ള താരമാണ്. സെര്‍ബിയന്‍ ദേശീയ താരമായ യോവിക് ബെന്‍ഫിക്കയിലൂടെയാണ് കരിയര്‍ ആരംഭിക്കുന്നത്.
ഫ്രാങ്ക്ഫര്‍ട്ടില്‍ 2018 ല്‍ ലോണ്‍ അടിസ്ഥാനത്തിലാണ് ലൂക്ക എത്തിയത്. ഫ്രാങ്ക്ഫര്‍ട്ട് താരത്തെ സ്ഥിരമായി സൈന്‍ ചെയ്തത് ഈ ഏപ്രില്‍ മാസത്തില്‍ മാത്രമാണ്. ലൂക്കയാക്ക് വെറും 7 മില്യണ്‍ മാത്രമായിരുന്നു വില. രണ്ട് മാസങ്ങള്‍ക്ക് ശേഷം 60 മില്യണ്‍ എന്ന ഭീമമായ തുകയ്ക്ക് വില്‍ക്കുന്നത് ജര്‍മ്മന്‍ ക്ലബ്ബിന് വന്‍ ലാഭമാണ്.
