മഡ്രിഡ്: ലാലിഗയില്‍ നടന്ന മത്സരത്തില്‍ ബാഴ്‌സലോണക്കെതിരെ ചിരവൈരികളായ റയല്‍ മഡ്രിഡിന് മറുപടിയില്ലാത്ത രണ്ട് ഗോളിന്റെ ജയം. 71ാം മിനിറ്റില്‍ വിനീഷ്യസ് ജൂനിയര്‍, അധിക സമയത്ത് (92) മരിയാനോ ഡയസ് എന്നിവരാണ് ഗോള്‍ നേടിയത്. റയല്‍ മഡ്രിഡിന്റെ വേഗതക്ക് മുന്നില്‍ ബാഴ്‌സലോണക്ക് അടിപതറുകയായിരുന്നു
കൂടുതല്‍ സമയം പന്ത് കൈവശംവെച്ച് കളിച്ച ബാഴ്‌സക്ക് ലക്ഷ്യത്തിലെത്തിക്കാന്‍ മാത്രം സാധിച്ചില്ല. വിജയത്തോടെ 56 പോയിന്റുമായി റയല്‍ മാഡ്രിഡ് ഒന്നാം സ്ഥാനത്ത് എത്തി. ഒരു പോയിന്റ് കുറവുമായി ബാഴ്സലോണ രണ്ടാമതുണ്ട്.
