മാഡ്രിഡ്: റയല്‍ മാഡ്രിഡ് പരിശീലകന്‍ റാഫ ബെനിറ്റ്‌സിനെ പുറത്താക്കിയതായി റിപ്പോര്‍ട്ട്. ബെനിറ്റ്‌സിനു പകരം മുന്‍ ഫ്രഞ്ച് സൂപ്പര്‍താരം സിനദീന്‍ സിദാനെ റയല്‍ മാഡ്രിഡ് പരിശീലക സ്ഥാനത്തു നിയമിച്ചതായും റിപ്പോര്‍ട്ടുണ്ട്.
പുതിയ പരിശീലകനെ നിയമിക്കുന്നതുമായി ബന്ധപ്പെട്ട് റയല്‍ മാഡ്രിഡ് ക്ലബ്ബ് മാനേജ്‌മെന്റ് അടിയന്തര യോഗം ചേര്‍ന്നതായും തൊട്ടടുത്തുതതന്നെ ബെനിറ്റ്‌സിനെ പുറത്താക്കിയത് സംബന്ധിച്ച് ഔദ്യോഗിക പ്രഖ്യാപനമുണ്ടാകുമെന്നും റിപ്പോര്‍ട്ടില്‍ പറയുന്നു.
ജൂണില്‍ റയല്‍ മാഡ്രിഡ് പരിശീലക സ്ഥാനം ഏറ്റെടുത്തശേഷം ബെനിറ്റ്‌സിന് അത്ര മികച്ച സമയമല്ലായിരുന്നു. ജൂണില്‍ കാര്‍ലോ ആഞ്ചലോട്ടിക്കു പകരക്കാരനായാണ് ബെനിറ്റ്‌സ് റയലിന്റെ പരിശീലക സ്ഥാനമേറ്റെടുത്തത്. മൂന്നു വര്‍ഷത്തേക്കായിരുന്നു ബെനിറ്റ്‌സിന്റെ കരാര്‍. നിലവില്‍ റയല്‍ മാഡ്രിഡിന്റെ റിസര്‍വ് പരിശീലകനാണ് സിനദീന്‍ സിദാന്‍.
