മാഡ്രിഡ്: സ്പാനിഷ് ലീഗില്‍ ക്രിസ്റ്റ്യാനോ റൊണാള്‍ഡോയുടെ ഗോളില്‍ റയല്‍ മാഡ്രിഡിന് ജയം.
ഗെറ്റാഫയെ ഒന്നിനെതിരെ രണ്ടു ഗോളുകള്‍ക്കാണ് റയല്‍ വീഴത്തിയത്.
ആദ്യ പകുതിയില്‍ കരിം ബെന്‍സേമയുടെ ഗോളില്‍ മുന്നിലായിരുന്ന റയലിനെ രണ്ടാം പകുതിയില്‍ ഗറ്റാഫ ഞെട്ടിച്ചു. 56-ാം മിനിറ്റില്‍ ജോര്‍ജ് മൊലിന വിദാല്‍ റയലിന്റെ വലയില്‍ പന്തെത്തിച്ചു.
സമനില പിടിച്ചതോടെ പിന്‍വാങ്ങിക്കളിച്ച ഗെറ്റഫയെ വീഴ്ത്താന്‍ റയല്‍ അധ്വാനിച്ചുകളിച്ചെങ്കിലും ഗോളുമാത്രം വീണില്ല.
85-ാം മിനിറ്റുവരെ റയലിനെയും ക്രിസ്റ്റ്യാനോയും പൂട്ടിയ ഗറ്റാഫ താരങ്ങള്‍ക്ക് ഒറ്റനിമിഷം പിഴച്ചു. മൈതാ മധ്യത്തില്‍നിന്നും ഉയര്‍ന്നുവന്ന ക്രോസ് ബോക്സില്‍ മാര്‍ക്ക് ചെയ്യപ്പെടാതെ നിന്ന ക്രിസ്റ്റ്യാനോ പിടിച്ചെടുത്ത് വലയിലേക്ക് ഷൂട്ട് ചെയ്തു. ഗെറ്റാഫ ഗോളിയേയും കടന്ന് പന്ത് വലയില്‍. റയലും സിദാനും ആശ്വാസ നിശ്വാസമുതിര്‍ത്തു.
