റിയല്‍മി സി 11 സ്മാര്‍ട്ഫോണ്‍ ഇന്ന് വില്‍പ്പനയ്‌ക്കെത്തും. ഉച്ചയ്ക്ക് 12 മണിയ്ക്ക് ഫ്ളിപ്കാര്‍ട്ട്, റിയല്‍മി.കോം എന്നീ ഓണ്‍ലൈന്‍ പ്ലാറ്റ്ഫോമുകള്‍ വഴി വാങ്ങാന്‍ ലഭ്യമാണ്.
7,499 രൂപയാണ് ഫോണിന്റെ ഇന്ത്യയിലെ വില. നാര്‍സോ സീരീസും റിയല്‍മി എക്സ് 3 സീരീസും പുറത്തിറക്കിയ ശേഷം കമ്പനി ബജറ്റ് സെഗ്മെന്റില്‍ അവതരിപ്പിച്ച ഡിവൈസാണ് റിയല്‍മി സി11.
റിച്ച് ഗ്രീന്‍, റിച്ച് ഗ്രേ എന്നീ നിറങ്ങളിലാണ് ഫോണ്‍ അവതരിപ്പിച്ചിരിക്കുന്നത്. 720×1600 റെസല്യൂഷനില്‍ 6.5 ഇഞ്ച് ഡിസ്‌പ്ലേയാണ് ഫോണിനുള്ളത്. മൈക്രോ എസ്ഡി കാര്‍ഡ് ഉപയോഗിച്ച് ഫോണിന്റെ സ്റ്റോറേജ് വര്‍ധിപ്പിക്കാവുന്നതാണ്. 5000mah ബാറ്ററിയാണ് ഫോണിന്റെ പ്രധാന സവിശേഷത.
13 എംപി പ്രൈമറി സെന്‍സറും 2 എംപി സെക്കന്‍ഡറി സെന്‍സറും 5 എംപി ഫ്രണ്ട് കാമറയുമാണ് ഫോണിനുള്ളത്. ആന്‍ഡ്രോയിഡ് 10 അനുസരിച്ചാണ് റിയല്‍മി സി11 പ്രവര്‍ത്തിക്കുന്നത്.
