ഷവോമി റെഡ്മി 5എ സ്മാര്‍ട്ട്‌ഫോണ്‍ വാങ്ങുന്നവര്‍ക്ക് റിലയന്‍സ് ജിയോയുടെ 199 രൂപയുടെ പുതിയ ഓഫര്‍.
പരിധിയില്ലാത്ത വിളികളും പ്രതിദിനം ഒരു ജിബി ഡാറ്റ പരിധിയില്ലാത്ത എസ്എംഎസ് എന്നിവ ലഭിക്കും. 28 ദിവസമാണ് ഓഫര്‍ വാലിഡിറ്റി.
2 ജിബി റാം ഉള്ള ഫോണിന് 5,999 രൂപയാണ് വില. എന്നാല്‍ തുടക്കത്തില്‍ 1,000 രൂപ വില കുറച്ച് 4,999 രൂപയ്ക്കാണ് ഫോണ്‍ വില്‍പ്പനയ്ക്ക് എത്തിക്കുന്നത്. മൂന്ന് ജിബി റാമുള്ള പതിപ്പിന് 6,999 രൂപയാണ് വില.
അഞ്ച് ഇഞ്ചിന്റെ 720 പിക്‌സല്‍ എച്ച്ഡി ഡിസ്‌പ്ലേയാണ് റെഡ്മി 5എയ്ക്ക് ഉള്ളത്. ക്വാഡ് കോര്‍ സ്‌നാപ്ഡ്രാഗണ്‍ 425 പ്രൊസസറാണ് ഇതില്‍ ഉപയോഗിച്ചിരിക്കുന്നത്.
രണ്ട് ജിബി, മൂന്ന് ജിബി പതിപ്പുകളില്‍ പുറത്തിറങ്ങുന്ന ഫോണ്‍ 16 ജിബി 32 ജിബി ഇന്റേണല്‍ സ്റ്റോറേജ് വേരിയന്റുകളുമുണ്ടാവും. മൈക്രോ എസ്ഡി കാര്‍ഡ് സൗകര്യവുമുണ്ട്.
13 മെഗാപിക്‌സല്‍ റിയര്‍ ക്യാമറയും അഞ്ച് മെഗാപിക്‌സല്‍ സെല്‍ഫി ക്യാമറയുമാണ് ഫോണിനുള്ളത്.
ആന്‍ഡ്രോയിഡ് ന്യൂഗട്ട് അടിസ്ഥാനമാക്കി പ്രവര്‍ത്തിക്കുന്ന എഐയുഐ 9 ഓപറേറ്റിങ് സിസ്റ്റമാണ് ഫോണില്‍ ഉള്‍പ്പെടുത്തിയിരിക്കുന്നത്.
3000 mAh ബാറ്ററിയുള്ള ഫോണില്‍ എട്ട് ദിവസം വരെ ചാര്‍ജ് ലഭിക്കുമെന്നാണ് കമ്പനിയുടെ വാദം.
