ഷവോമിയുടെ പുതിയ സ്മാര്‍ട്ട്ഫോണ്‍ റെഡ്മി 9 പ്രൈമിന്റെ അടുത്ത വില്‍പ്പന ഓഗസ്റ്റ് 17ന് ആരംഭിക്കും. ഓഗസ്റ്റ് 6നാണ് ഫോണിന്റെ ആദ്യ വില്‍പ്പന നടന്നത്. 9,999 രൂപയാണ് ഈ ഡിവൈസിന്റെ വില. ആമസോണ്‍, എംഐ ഹോം സ്റ്റോറുകള്‍, എംഐ സ്റ്റുഡിയോ സ്റ്റോറുകള്‍ എന്നിവ വഴിയാണ് വില്‍പ്പന നടക്കുന്നത.്
വാട്ടര്‍ ഡ്രോപ്പ് നോച്ച്, നേര്‍ത്ത സൈഡ് ബെസെലുകള്‍, ഉയരമുള്ള വീക്ഷണാനുപാതം എന്നിവ ഉള്‍ക്കൊള്ളുന്നതാണ് ഈ ഷവോമിയുടെ ഈ പുതിയ സ്മാര്‍ട്ട്ഫോണ്‍.
2016 ന് ശേഷം ആദ്യമായാണ് ഷവോമി തന്റെ സ്മാര്‍ട്ട്ഫോണുകളില്‍ ഒന്നിനായി പ്രൈം മോണിക്കര്‍ ഉപയോഗിക്കുന്നത്. 2016 ല്‍ ഈ പേരിനൊപ്പം അവസാനമായി അവതരിപ്പിച്ച സ്മാര്‍ട്ട്‌ഫോണാണ് റെഡ്മി 3 എസ് പ്രൈം. റെഡ്മി സീരീസില്‍ പ്രോ മോണിക്കര്‍ ഷവോമി ഉപയോഗിച്ചുവെങ്കിലും റെഡ്മി 9 സീരീസ് പ്രൈം മോണിക്കറെ തിരികെ കൊണ്ടുവരുന്നു.
യൂറോപ്യന്‍ എഡിഷനില്‍ 6.5 ഇഞ്ച് ഫുള്‍ എച്ച്ഡി + ഡിസ്പ്ലേ, മുകളില്‍ ഡ്യൂഡ്രോപ്പ് നോച്ച് വരുന്നു. 4 ജിബി റാമും 64 ജിബി സ്റ്റോറേജുമായി ജോടിയാക്കിയ മീഡിയടെക് ഹീലിയോ ജി 80 ചിപ്സെറ്റാണ് ഈ ഫോണിന്റെ പ്രധാന കരുത്ത്. ഈ സ്മാര്‍ഫോണിന്റെ ചാര്‍ജിങ് കപ്പാസിറ്റി മികച്ച രീതിയില്‍ നിലനിര്‍ത്തുവാന്‍ 5,020mAh ബാറ്ററി വരുന്നു.
13 മെഗാപിക്‌സല്‍ സെന്‍സറാണ് ഈ സ്മാര്‍ട്‌ഫോണിന്റെ പ്രധാന ക്യാമറ. അതില്‍ 8 മെഗാപിക്‌സല്‍ വൈഡ് ആംഗിള്‍ ക്യാമറയുണ്ട്. ഇതില്‍ 5 മെഗാപിക്‌സല്‍ മാക്രോ ക്യാമറയും 2 മെഗാപിക്‌സല്‍ ഡെപ്ത് ക്യാമറയും ലഭിക്കും. സെല്‍ഫി ക്യാമറ 8 മെഗാപിക്‌സല്‍ സെന്‍സര്‍ ഉപയോഗിക്കുന്നു.
