ജയസൂര്യയെ നായകനാക്കി പ്രശോഭ് വിജയന്‍ സംവിധാനം ചെയ്യുന്ന ‘അന്വേഷണ’ത്തിന്റെ റിലീസ് തീയ്യതി പ്രഖ്യാപിച്ചു. ഈ മാസം 31നാണ് ചിത്രം പ്രദര്‍ശനത്തിനെത്തുക. ‘സത്യം എപ്പോഴും വിചിത്രമായിരിക്കും’ എന്ന ടാഗ് ലൈനാണ് ചിത്രത്തിന് നല്‍കിയിരിക്കുന്നത്.
‘ലില്ലി’ എന്ന ചിത്രത്തിലൂടെ ശ്രദ്ധിക്കപ്പെട്ട സംവിധായകനാണ് പ്രശോഭ് വിജയന്‍. തിരക്കഥ എഴുതിയിരിക്കുന്നത് ഫ്രാന്‍സിസ് തോമസാണ്. സുജിത്ത് വാസുദേവ് ആണ് ഛായാഗ്രഹണം. സംഗീതം ജേക്സ് ബിജോയുടേതാണ്.
