കാളിദാസ് ജയറാമിനെ നായകനാക്കി എബ്രിഡ് ഷൈന്‍ സംവിധാനം ചെയ്ത പൂമരത്തിന്റെ റിലീസ് വീണ്ടും നീട്ടിവെച്ചു. മാര്‍ച്ച് 9ന് ചിത്രം റിലീസ് ചെയ്യുമെന്നായിരുന്നു അണിയറ പ്രവര്‍ത്തകര്‍ അറിയിച്ചിരുന്നത്. എന്നാല്‍ റിലീസ് തീയതി മാര്‍ച്ച് 15 ലേക്ക് മാറ്റുകയായിരുന്നു.
ചിത്രം വൈകുന്നതില്‍ അണിയറപ്രവര്‍ത്തകരെ കളിയാക്കി നിരവധി പേരാണ് വീണ്ടും രംഗത്തെത്തിയിരിക്കുന്നത്. സിനിമയുടെ റിലീസ് വൈകിയതിനെ കുറിച്ച് സോഷ്യല്‍ മീഡിയയില്‍ നേരത്തെ ഇറങ്ങിയ ട്രോളുകളില്‍ ചിലത് കാളിദാസ് സ്വന്തം പേജില്‍ ഷെയര്‍ ചെയ്തിരുന്നു.
പോസ്റ്റ് പ്രൊഡക്ഷന്‍ ജോലികള്‍ നീണ്ടുപോവുന്നതാണ് ചിത്രത്തിന്റെ റിലീസ് വൈകാന്‍ കാരണമെന്നാണ് സൂചനകള്‍. വ്യക്തമായ കാരണത്തെക്കുറിച്ച് അണിയറ പ്രവര്‍ത്തകര്‍ ഇതുവരെ പ്രതികരിച്ചിട്ടില്ല. ഡോ. പോള്‍ വര്‍ഗീസും എബ്രിഡ് ഷൈനും ചേര്‍ന്നാണ് പൂമരം നിര്‍മ്മിക്കുന്നത്.
