റിലയന്‍സ് ജിയോ 4ജി ഫീച്ചര്‍ ഫോണില്‍ ഇനി മുതല്‍ ഗൂഗിള്‍ അസിസ്റ്റന്റ് സേവനം ലഭ്യമാകുന്നു
ആദ്യമായിട്ടാണ് മറ്റൊരു മുന്‍നിര കമ്പനിയുടെ ആപ്ലിക്കേഷന്‍ ജിയോ ഫോണിലേക്കെത്തുന്നത്.
ഡല്‍ഹിയില്‍ നടന്ന ഗൂഗിള്‍ ഫോര്‍ ഇന്ത്യ 2017 പരിപാടിയിലാണ് ഗൂഗിള്‍ ജിയോ ഫോണിലേയ്ക്ക് ഗൂഗിള്‍ അസിസ്റ്റന്റ് എത്തുമെന്ന കാര്യം അറിയിച്ചത്.
കായ് ഓഎസില്‍ പ്രവര്‍ത്തിക്കുന്ന ജിയോഫോണില്‍ ജിയോയുടെ തന്നെ മള്‍ട്ടി മീഡിയാ ആപ്ലിക്കേഷനുകളും ലഭിക്കും.
ഗൂഗിള്‍ അസിസ്റ്റന്റ് ഫീച്ചര്‍ ലഭ്യമാക്കുന്ന ആദ്യ ഫീച്ചര്‍ ഫോണ്‍ എന്ന പേരും ഇനി ജിയോഫോണിന് ലഭ്യമാകും.
ജിയോഫോണിന് വേണ്ടി പ്രത്യേക ഗൂഗിള്‍ അസിസ്റ്റന്റ് രൂപ കല്‍പന ചെയ്തിട്ടുണ്ടെന്നും ഗൂഗിള്‍ വ്യക്തമാക്കി. ജിയോഫോണില്‍ ഇംഗ്ലീഷ് ഹിന്ദി ഭാഷയിലായിരിക്കും ഗൂഗിള്‍ അസിസ്റ്റന്റ് ലഭ്യമാവുക.
