കോഴിക്കോട്:പ്രതിപക്ഷ നേതാവ് രമേശ് ചെന്നിത്തലയെ വെല്ലുവിളിച്ച് സ്പീക്കര്‍ പി ശ്രീരാമകൃഷ്ണന്‍. ആര്‍ജ്ജവമുണ്ടെങ്കില്‍ രമേശ് ചെന്നിത്തല തനിക്കെതിരെ പെന്നാനിയില്‍ മത്സരിക്കണമെന്ന് സ്പീക്കര്‍ ആവശ്യപ്പെട്ടു. പൊന്നാനിയില്‍ വന്ന് ചെന്നിത്തല തനിക്കെതിരെ അടിസ്ഥാന രഹിതമായ ആരോപണം ഉന്നയിച്ചത് രാഷ്ട്രീയ ലക്ഷ്യത്തോടെയാണ്.
രമേശ് ചെന്നിത്തല പ്രതികാര ബുദ്ധിയോടെയാണ് പെരുമാറുന്നത്. ആയുധമില്ലാത്ത ഒരാളുടെ അടുത്ത് ആയുധവവുമായി പോരാടന്‍ വന്ന പോലെയാണ് പെരുമാറ്റം. ചെന്നിത്തലയ്ക്ക് സ്ഥലജല വിഭ്രാന്തിയെന്നും അദ്ദേഹം വിമര്‍ശിച്ചു.
