ഫ്രാൻസ് ആസ്ഥാനമായുള്ള ഓട്ടോമൊബൈൽ നിർമ്മാതാക്കളായ റെനോയും ജപ്പാൻ ആസ്ഥാനമായ നിസാനും ഇന്ത്യയില്‍ വമ്പൻ നിക്ഷേപത്തിന് ഒരുങ്ങുന്നു. പ്രധാന വിപണിയിലേക്കുള്ള തിരിച്ചുവരവിന്റെ ശ്രമത്തിന്റെ ഭാഗമായി തമിഴ്‍നാട്ടില്‍ 5300 കോടിയുടെ നിക്ഷേപമാണ് സഖ്യം നടത്തുക എന്ന് ഓട്ടോ കാര്‍ ഇന്ത്യ ഉള്‍പ്പെടെയുള്ള മാധ്യമങ്ങള്‍ റിപ്പോര്‍ട്ട് ചെയ്യുന്നു. ഇന്ത്യൻ വിപണിയിൽ രണ്ട് ഇലക്ട്രിക് വാഹനങ്ങൾ ഉൾപ്പെടെ രാജ്യത്ത് ആറ് മോഡലുകൾ പുറത്തിറക്കാനാണ് 5300 കോടി രൂപയുടെ ഈ വമ്പൻ നിക്ഷേപം.
തമിഴ്നാട് മുഖ്യമന്ത്രി എംകെ സ്റ്റാലിൻ, നിസാൻ ഗ്ലോബൽ ചീഫ് ഓപ്പറേറ്റിംഗ് ഓഫീസറും അലയൻസ് ബോർഡ് അംഗവുമായ അശ്വനി ഗുപ്‍ത എന്നിവരുടെ സാന്നിധ്യത്തിൽ തമിഴ്നാട് സർക്കാർ പ്രമോട്ടഡ് നോഡൽ ഏജൻസി ഗൈഡൻസ് ബ്യൂറോ എംഡിയും സിഇഒയുമായ വിഷ്‍ണു വേണുഗോപാലും റെനോ ഇന്ത്യ സിഇഒ വെങ്കട്ട്‌റാം മാമില്ലപ്പള്ളിയും ധാരണാപത്രം കൈമാറി. ഉൽപ്പാദനവും ഗവേഷണ-വികസന പ്രവർത്തനങ്ങളും വർധിപ്പിക്കുക, ഇലക്ട്രിക് വാഹനങ്ങൾ അവതരിപ്പിക്കുക, കാർബൺ ന്യൂട്രൽ നിർമ്മാണത്തിലേക്ക് മാറുക എന്നീ ലക്ഷ്യങ്ങളോടെയുള്ള പുതിയ ദീർഘകാല വീക്ഷണമാണ് സഖ്യം പ്രഖ്യാപിച്ചിരിക്കുന്നതെന്ന് കമ്പനി പ്രസ്‍താവനയിൽ പറഞ്ഞു. ഇതോടെ സിംഗപ്പെരുമാൾകോയിലിലെ മഹീന്ദ്ര റിസർച്ച് സിറ്റിയിൽ സ്ഥിതി ചെയ്യുന്ന റെനോ നിസാൻ റിസർച്ച് ആൻഡ് ഡെവലപ്‌മെന്റ് ആൻഡ് ബിസിനസ് സെന്ററിൽ 2,000 പുതിയ തൊഴിലവസരങ്ങൾ ഈ നിക്ഷേപത്തിലൂടെ സൃഷ്ടിക്കപ്പെടും.
നിലവിൽ, ഇരു വാഹന നിർമ്മാതാക്കളും ഇവിടെ നിന്ന് 45 കിലോമീറ്റർ അകലെ ഒറഗഡത്ത് സ്ഥിതി ചെയ്യുന്ന ചെന്നൈ പ്ലാന്റിൽ നിന്നും നാല് മോഡലുകൾ നിർമ്മിക്കുന്നുണ്ട്. പുനരുപയോഗിക്കാവുന്ന ഊര്‍ജ്ജം ഉപയോഗിച്ച് 2025 ഓടെ റെനോ-നിസാൻ നിർമ്മാണ കേന്ദ്രവും 100 ശതമാനം കാർബൺ ന്യൂട്രൽ ആകും എന്നും അശ്വനി ഗുപ്‍ത വ്യക്തമാക്കി.
ചെന്നൈ കേന്ദ്രീകരിച്ച് ഇരു കമ്പനികളും ആഭ്യന്തര, അന്തർദേശീയ ഉപഭോക്താക്കൾക്കായി ആറ് പുതിയ ഉൽപ്പാദന വാഹനങ്ങൾക്കായി സഹകരിക്കും. രണ്ട് പുതിയ പൂർണ വൈദ്യുത വാഹനങ്ങൾ ഉൾപ്പെടെ, റെനോ-നിസാൻ കേന്ദ്രത്തെ ഒരു അന്താരാഷ്ട്ര കയറ്റുമതി കേന്ദ്രമാക്കി ഉയർത്തും എന്നും സഖ്യം അറിയിച്ചു. ഇന്ത്യൻ വിപണിയോടുള്ള ഇരു കമ്പനികളുടെയും പുതുക്കിയ പ്രതിബദ്ധതയുടെ അനന്തരഫലമായി, റെനോയും നിസ്സാനും അവരുടെ സംയുക്ത പ്രവർത്തനങ്ങളിൽ തങ്ങളുടെ ഓഹരികൾ പുനഃക്രമീകരിക്കുന്നു.
പുതിയ ചട്ടക്കൂട് ഉടമ്പടി പ്രകാരം, റെനോ നിസാൻ ഓട്ടോമോട്ടീവ് ഇന്ത്യ പ്രൈവറ്റ് ലിമിറ്റഡ് (RNAIPL) മുമ്പത്തെ 70:30 ഇക്വിറ്റി ഹോൾഡിംഗിൽ നിന്ന് 51 ശതമാനവും നിസാന്റെ 49 ശതമാനവും റെനോയുടെ ഉടമസ്ഥതയിലേക്ക് മാറും. റെനോ നിസാൻ ടെക്നോളജി ബിസിനസ് സെന്റർ (RNTBCI) 51 ശതമാനവും റെനോയുടെ 49 ശതമാനവും നിസാന്റെ ഉടമസ്ഥതയിലേക്കും മാറും. ഇത് ദീർഘകാലത്തേക്കുള്ള പങ്കാളിത്തത്തെ ശക്തിപ്പെടുത്തുകയും കൂടുതൽ ഉത്തരവാദിത്തത്തോടെയും കൂടുതൽ സ്വയംഭരണത്തോടെയും സംയുക്ത സംരംഭങ്ങളെ ശാക്തീകരിക്കുകയും ചെയ്യുമെന്നും കമ്പനി പറഞ്ഞു.
ആറ് പുതിയ മോഡലുകളിൽ ഓരോ കമ്പനിക്കും മൂന്ന് വീതം ചെന്നൈയിൽ എഞ്ചിനീയറിംഗ് ചെയ്‍ത നിർമ്മിച്ചതാണ്. അതാത് ബ്രാൻഡുകളുടെ വ്യക്തിഗതവും വ്യതിരിക്തവുമായ ശൈലി നിലനിർത്തിക്കൊണ്ട് അവ പൊതുവായ അലയൻസ് പ്ലാറ്റ്‌ഫോമുകളിൽ നിർമ്മിക്കപ്പെടും. അവയിൽ നാല് പുതിയ സി-സെഗ്‌മെന്റ് എസ്‌യുവികൾ ഉൾപ്പെടും. ഒരു ദശാബ്‍ദത്തിലേറെ മുമ്പ് നിസാൻ ലീഫിലും റെനോ സോയിലും ആരംഭിച്ച മാസ്-മാർക്കറ്റ് ഇലക്‌ട്രിഫിക്കേഷനിൽ രണ്ട് ബ്രാൻഡുകളുടെയും പാരമ്പര്യവും വൈദഗ്ധ്യവും കെട്ടിപ്പടുക്കുന്ന രണ്ട് പുതിയ എ-സെഗ്‌മെന്റ് ഇലക്ട്രിക് വാഹനങ്ങൾ ഇന്ത്യയിൽ റെനോയ്ക്കും നിസാനുമുള്ള ആദ്യത്തെ ഇവികളായിരിക്കും.
ചെന്നൈയിലെ റെനോ നിസാൻ ബിസിനസ് സെന്ററില്‍ ൽ 2,000 അധിക പുതിയ തൊഴിലവസരങ്ങൾ സൃഷ്ടിക്കപ്പെടുന്ന പുതിയ പദ്ധതികളെ പിന്തുണയ്ക്കുന്നതിനായി ഏകദേശം 5300 കോടിയുടെ പ്രാരംഭ നിക്ഷേപം ആസൂത്രണം ചെയ്‍തിട്ടുണ്ടെന്നും അതേ സമയം, പുനരുപയോഗ ഊർജ ഉൽപ്പാദനത്തിൽ ഗണ്യമായ വർദ്ധനവോടെ ആർഎൻഎഐപിഎൽ ഫാക്ടറി കാർബൺ ന്യൂട്രൽ ആയി മാറും എന്നും കമ്പനിയുടെ പ്രസ്‍താവന വ്യക്തമാക്കുന്നു. പുതിയ മോഡലുകൾ ഇന്ത്യൻ വിപണിയെ മാത്രമല്ല, ഇന്ത്യയിൽ നിന്നുള്ള വിദേശ വിപണികളെ ഉന്നമിപ്പിക്കുകയും പ്ലാന്റ് ഉപയോഗം 80 ശതമാനം ആയി ഉയർത്തുകയും വരും വർഷങ്ങളിൽ ചെന്നൈയിലെ പ്ലാന്റിൽ ആയിരക്കണക്കിന് ജോലികൾ ഉറപ്പാക്കുകയും ചെയ്യുമെന്നും സഖ്യം അറിയിച്ചു.
ചെന്നൈയിൽ നടന്ന ഔദ്യോഗിക ചടങ്ങിൽ ഇരു കമ്പനികളിലെയും ഉദ്യോഗസ്ഥരും തമിഴ്നാട് സർക്കാർ ഉദ്യോഗസ്ഥർ എന്നിവരും ചേർന്ന് റെനോയുടെയും നിസാന്റെയും ഇന്ത്യൻ പ്രവർത്തനങ്ങളുടെ ഭാവി വിശദീകരിച്ചു. രണ്ട് ആഗോള ബ്രാൻഡുകളെ പ്രതിനിധീകരിച്ച് രണ്ട് ഇലക്ട്രിക് വാഹനങ്ങൾ ഉൾപ്പെടെ രണ്ട് കമ്പനികൾക്കിടയിൽ ആറ് പുതിയ മോഡലുകൾ പുറത്തിറക്കുന്നതിന് പുതിയ നിക്ഷേപം സാക്ഷ്യം വഹിക്കുമെന്ന് നിസാൻ ഗ്ലോബൽ ചീഫ് ഓപ്പറേറ്റിംഗ് ഓഫീസറും അലയൻസ് ബോർഡ് അംഗവുമായ അശ്വനി ഗുപ്‍ത പറഞ്ഞു. ഇന്ത്യൻ വിപണിയെ വൈദ്യുതീകരിക്കാനും പരിസ്ഥിതിയിൽ ആഘാതം കുറയ്ക്കാനും റെനോയും നിസ്സാനും ഇന്ത്യൻ വിപണിയിൽ പൂർണ്ണമായും പ്രതിജ്ഞാബദ്ധരാണ് എന്ന് നിസാന്റെ ആഫ്രിക്ക, മിഡിൽ ഈസ്റ്റ്, ഇന്ത്യ, യൂറോപ്പ്, ഓഷ്യാനിയ മേഖലകളുടെ ചെയർപേഴ്‌സൺ ഗില്ലൂം കാർട്ടിയർ പറഞ്ഞു. ഇന്ത്യയാണ് സഖ്യത്തിന്റെ ആദ്യത്തെപ്ലാന്റ് എന്നും പുതിയ വാഹനങ്ങൾ, പുതിയ ഗവേഷണ-വികസന പ്രവർത്തനങ്ങൾ, പുതിയ കയറ്റുമതി വിപണികൾ എന്നിവയുമായി സഖ്യത്തിന്റെ ഈ പുതിയ അധ്യായത്തിന്റെ കേന്ദ്രബിന്ദു ഇന്ത്യയായിരിക്കും എന്നും അദ്ദേഹം കൂട്ടിച്ചേര്‍ത്തു.
എനർജി, റിസോഴ്‍സ് റിഡക്ഷൻ എന്നിവയ്ക്കുള്ള സഖ്യത്തിന്റെ മുൻനിര കേന്ദ്രങ്ങളിൽ ഒന്നായ ആർഎൻഎഐപിഎൽ പ്ലാന്റും കാർബൺ ന്യൂട്രാലിറ്റിയിലേക്കുള്ള തങ്ങളുടെ പദ്ധതി പ്രഖ്യാപിച്ചു. 2045-ഓടെ 100 ശതമാനം പുനരുൽപ്പാദിപ്പിക്കാവുന്ന ഊർജ്ജത്തിലേക്ക് മാറുന്നതിനുള്ള ഒരു തുടർച്ചയായ പരിപാടിയിലൂടെ ഇത് കൈവരിക്കും. അതേസമയം ഇന്നത്തെ അപേക്ഷിച്ച് പ്ലാന്റിലെ ഊർജ്ജ ഉപഭോഗം 50 ശതമാനം കുറയ്ക്കും. ചെന്നൈ പ്ലാന്റ് ഇതിനകം തന്നെ അതിന്റെ 50 ശതമാനം വൈദ്യുതിയും സോളാർ, ബയോമാസ്, കാറ്റ് എന്നിവ ഉൾപ്പെടെ പുനരുപയോഗിക്കാവുന്നവയിൽ നിന്നാണ്. നിലവിലുള്ള സോളാർ പ്ലാന്റ് ആറിരട്ടിയിലധികം വലുതാകും. ഇന്ന് 2.2 മെഗാവാട്ടിൽ നിന്ന് 14 മെഗാവാട്ട് പ്ലാന്റായി വികസിപ്പിക്കും.
