കാര്ഡിയന് എന്ന പേരില്‍ ഒരു പുതിയ കോംപാക്റ്റ് എസ്.യു.വി 2023 ഒക്ടോബര്‍ 25-ന് അവതരിപ്പിക്കുമെന്ന് ഫ്രഞ്ച് വാഹന നിര്‍മ്മാതാക്കളായ റെനോ പ്രഖ്യാപിച്ചു. വരാനിരിക്കുന്ന റെനോ കാര്‍ഡിയാന്റെ ഡിസൈനും ഇന്റീരിയറിന്റെയും മറ്റും ചില ടീസര്‍ ചിത്രങ്ങളും കമ്പനി പുറത്തിറക്കിയിട്ടുണ്ട്. മറ്റ് വികസ്വര രാജ്യങ്ങളിലേക്ക് പ്രവേശിക്കുന്നതിന് മുമ്പ് ഈ കോംപാക്റ്റ് എസ്.യു.വി ആദ്യം ബ്രസീലില്‍ വില്‍പ്പനയ്ക്കെത്തും.
പുതിയ റെനോ കാര്ഡിയന് കോംപാക്റ്റ് എസ്.യു.വി ഡാസിയ സാന്‍ഡേറോ സ്റ്റെപ്പ്വേയെ അടിസ്ഥാനമാക്കിയുള്ളതാണ്. തിരഞ്ഞെടുത്ത രാജ്യാന്തര വിപണികളില്‍ റെനോയുടെ ഏറ്റവും ചെറിയ എസ്യുവിയായിരിക്കും ഇത്. വലിയ റെനോ എസ്.യു.വികളില്‍ നിന്ന് പ്രചോദനം ഉള്‍ക്കൊണ്ട് സ്‌റ്റൈലിഷ് ഡാഷ്ബോര്‍ഡ് ലേഔട്ട് റെനോ കാര്ഡിയന് കോംപാക്റ്റ് എസ്യുവി അവതരിപ്പിക്കുന്നുവെന്ന് ഇന്റീരിയര്‍ ടീസറുകള്‍ വെളിപ്പെടുത്തുന്നു. എട്ട് ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, നാല് സ്പോക്ക് സ്റ്റിയറിംഗ് വീല്‍, ഫോക്സ് ബ്രഷ്ഡ് അലുമിനിയം & വുഡ് ഇന്‍സെര്‍ട്ടുകള്‍, ഡ്രൈവ് മോഡ് സെലക്ടര്‍ എന്നിവ ഇതിന്റെ സവിശേഷതകളാണ്.
റെനോ കാര്ഡിയന് കോംപാക്റ്റ് എസ്.യു.വിയുടെ ഫ്രണ്ട് പ്രൊഫൈലില്‍ സിഗ്‌നേച്ചര്‍ ഡബിള്‍-ലെയര്‍ ഗ്രില്ലുള്ള മുന്‍വശത്ത് സ്പ്ലിറ്റ് ഹെഡ്ലാമ്പ് സജ്ജീകരണം ഉണ്ടാകും. ഫാക്സ് ബ്രഷ് ചെയ്ത അലുമിനിയം സ്‌കിഡ്പ്ലേറ്റ് ഉള്ള ബ്ലാക്ക് ഫിനിഷ്ഡ് ബമ്പറുമായാണ് ഇത് വരുന്നത്. സില്‍ഹൗറ്റ് പോലെയുള്ള കൂപ്പെ-എസ്.യു.വി, ഉയര്‍ന്ന ഗ്രൗണ്ട് ക്ലിയറന്‍സ്, വീല്‍ ആര്‍ച്ചുകളില്‍ ചങ്കി ക്ലാഡിംഗ് എന്നിവയുമായാണ് കാര്ഡിയന് എത്തുന്നത്. കിഗറില്‍ നിന്ന് പ്രചോദനം ഉള്‍ക്കൊണ്ട് സി ആകൃതിയിലുള്ള ടെയില്‍ ലാമ്പുകള്‍ പിന്‍ഭാഗത്ത് ലഭിക്കുന്നു.
1.0 ലിറ്റര്‍ 3 സിലിണ്ടര്‍ ടര്‍ബോചാര്‍ജ്ഡ് പെട്രോള്‍ എഞ്ചിനായിരിക്കും റെനോ കാര്ഡിയന് കരുത്തേകുക. ഇന്ത്യയില്‍ കിഗറിനും മാഗ്നൈറ്റിനും കരുത്ത് പകരുന്നത് ഈ എഞ്ചിന്‍ തന്നെയാണ്. രണ്ടാം തലമുറ ഡസ്റ്ററിന് താഴെയായിരിക്കും പുതിയ കാര്ഡിയന് കോംപാക്ട് എസ്യുവിയുടെ സ്ഥാനം. സി എം എഫ് – ബി മോഡുലാര്‍ പ്ലാറ്റ്ഫോമിനെ അടിസ്ഥാനമാക്കിയുള്ള മൂന്നാം തലമുറ ഡസ്റ്ററിലും റെനോ പ്രവര്‍ത്തിക്കുന്നുണ്ട് . മൂന്നാം തലമുറ ഡസ്റ്റര്‍ 2025 ഓടെ നമ്മുടെ വിപണിയിലും വില്‍പ്പനയ്ക്കെത്തും.
