കൊച്ചി: യുട്യൂബര് അജു അലക്സിനെതിരെ വക്കീല് നോട്ടീസുമായി നടന് ബാല. വീടുകയറി ആക്രമിച്ചെന്ന പ്രസ്താവന പിന്വലിക്കണമെന്നും മൂന്ന് ദിവസത്തിനുള്ളില് ഖേദം പ്രകടിപ്പിക്കണം എന്നുമാണ് നോട്ടീസ്. അല്ലെങ്കില് നിയമനടപടിയുമായി മുന്നോട്ട് പോകുമെന്നും ബാല പറഞ്ഞു.
യുട്യൂബര് അജു അലക്സിനെ ഫ്ലാറ്റില് അതിക്രമിച്ചു കയറി ഭീഷണിപ്പെടുത്തിയെന്ന പരാതിയില് നടന് ബാലയുടെ വീട്ടിലെത്തി പൊലീസ് കഴിഞ്ഞ ദിവസം മൊഴിയെടുത്തിരുന്നു. ഇതിനു പിന്നാലെയാണ് ബാലയുടെ വക്കീല് നോട്ടീസ്.
ഫ്ലാറ്റിനുള്ളില് അതിക്രമിച്ചു കയറി ബാല തോക്ക് ചൂണ്ടി ഭീഷണിപ്പെടുത്തി എന്നാണ് പരാതി. അജുവിന്റെ സുഹൃത്ത് മുഹമ്മദ് അബ്ദുല് ഖാദര് ആണ് പരാതിക്കാന്. തനിക്കെതിരെ അജു അലക്സ് വിഡിയോ ചെയ്തതിലുള്ള വിരോധമാണ് ബാലയുടെ പ്രവര്ത്തിക്ക് കാരണമെന്നാണ് എഫ്ഐആര്.ഫ്ലാറ്റിനുള്ളില് അതിക്രമിച്ചു കയറി ബാല തോക്ക് ചൂണ്ടി ഭീഷണിപ്പെടുത്തി എന്നാണ് പരാതി.