ബോളിവുഡ് സിനിമാ ലോകം കാത്തിരിക്കുന്ന പുതിയ ചിത്രമാണ് സഞ്ജയ് ദത്തിന്റെ ജീവിതകഥ. ചിത്രത്തിന്റെ റിലീസ് തീയതി സംവിധായകൻ പ്രഖ്യാപിച്ചു. രൺബീർ കപൂറിനെ നായകനാക്കി ഒരുക്കുന്ന ചിത്രം ജൂൺ 29 ന് റിലീസ് ചെയ്യും.ട്വീറ്ററിലൂടെയാണ് രാജ്കുമാർ ഹിറാനി റിലീസിംഗ് തീയതി അറിയിച്ചത്.
സൂപ്പർ ഹിറ്റുകൾ ഒരുക്കിയ സംവിധായകന്റെ ഈ ചിത്രത്തിനായി ആകാംക്ഷയോടെയാണ് പ്രേക്ഷകർ കാത്തിരിക്കുന്നത്. സഞ്ജയ് ദത്തിന്റെ ജീവിതകഥ വെള്ളിത്തിരയിലേക്ക് എത്തുമ്പോൾ ഏറെ വെല്ലുവിളികള്‍ നിറഞ്ഞ നിമിഷങ്ങളിലൂടെയാണ് സംവിധായകൻ കടന്ന് പോയത്. കാരണം വിവാദങ്ങളും , കേസുമെല്ലാം സഞ്ജയ് ദത്തിന്റെ ഒപ്പമുണ്ടായിരുന്നവയാണ്.
#DuttBiopic releasing on June 29.
— Rajkumar Hirani (@RajkumarHirani) January 5, 2018
രൺബീർ കപൂറിനെ കൂടാതെ മനീഷ കൊയ്‌രാള , പരേഷ് റാവൽ, അനുഷ്ക ശർമ്മ, ദിയ മിർസ, സോനം കപൂർ തുടങ്ങിയവർ ചിത്രത്തിൽ അഭിനയിക്കുന്നു. 2018 ഏറ്റവും മികച്ച ചിത്രമായിരിക്കും ഇത്.
