കാന്‍ബറ: അടുത്ത ട്വന്റി20 ലോകകപ്പില്‍ ഓസ്‌ട്രേലിയന്‍ ക്രിക്കറ്റ് ടീമിന്റെ കോച്ചായി റിക്കി പോണ്ടിങ്ങ് എത്തുമെന്ന് സൂചന. രണ്ടു തവണ ഓസ്‌ട്രേലിയയ്ക്ക് ലോകകപ്പ് നേടിക്കൊടുത്ത താരമാണ് പോണ്ടിങ്ങ്.
ശ്രീലങ്കയ്‌ക്കെതിരെയുള്ള കഴിഞ്ഞ വര്‍ഷത്തെ ട്വന്റി20 പരമ്പരയില്‍ ഇദ്ദേഹം അസിസ്റ്റന്റ് കോച്ചായിരുന്നു. ഈ വര്‍ഷം ഫെബ്രുവരിയില്‍ ഇംഗ്ലണ്ടിനും ന്യൂസിലാന്‍ഡിനും എതിരെ നടക്കുന്ന മത്സരങ്ങളില്‍ കോച്ച് ഡാരന്‍ ലേമാന്റെ അസിസ്റ്റന്റാണ് പോണ്ടിങ്ങ്.
അതേസമയം 2019ല്‍ ലേമാന്റെ കോച്ചിങ് കരാര്‍ അവസാനിക്കും. ഇതിന്റെ അടിസ്ഥാനത്തിലാണ് പോണ്ടിങിനെ പ്രധാന കോച്ചായി നിയമിക്കാന്‍ തീരുമാനിച്ചിരിക്കുന്നത്.
എന്നാല്‍ പ്രീമിയര്‍ ലീഗില്‍ ഡല്‍ഹി ഡെയര്‍ ഡെവിള്‍സിന്റെ കോച്ചായി പോണ്ടിങ്ങ് തിരിച്ചെത്തുമെന്നും വിവരമുണ്ട്.
