ഡാനിയേൽ ക്രെയ്ഗ് കേന്ദ്ര കഥാപാത്രമാകുന്ന പുതിയ ചിത്രം കിംഗ്സിന്റെ കിടിലൻ ട്രെയിലർ പുറത്തിറങ്ങി. ടർക്കിഷ് സംവിധായക ഡെനിസ് ഗാംസെ എർഗ്യൂവെൻ സംവിധാനം ചെയ്യുന്ന ചിത്രത്തിൽ ഡാനിയേൽ ക്രെയ്ഗ്,ഹല്ലെ ബെറി എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
ഡെനിസ് ഇംഗ്ളീഷിൽ ഒരുക്കുന്ന ആദ്യ ചിത്രമാണ് ഇത്. മാവെൻ പിക്ചേഴ്സ്, ബ്ലിസ്സ് മീഡിയ എന്നിവയുടെ ബാനറിൽ ചാൾസ് ഗില്ലെബെർട്ട്, വിൻസെന്റ് മറവാൽ എന്നിവർ ചേർന്നാണ് ചിത്രം നിർമ്മിക്കുന്നത്.
ഏപ്രിൽ 27ന് അമേരിക്കയിൽ പ്രദർശിപ്പിക്കുന്ന ചിത്രം ടൊറന്റോ അന്താരാഷ്ട്ര ചലചിത്രമേളയിൽ കഴിഞ്ഞ വർഷം പ്രദർശിപ്പിച്ചിരുന്നു.
