റിതേഷ് ദേശ്‍മുഖ് ആദ്യമായി സംവിധായകനായ ചിത്രം എന്ന നിലയില്‍ വാര്‍ത്തയായതാണ് ‘വേദ്’. റിതേഷ് ദേശ്‍മുഖ് തന്നെയാണ് തന്റെ ചിത്രത്തില്‍ നായകനായതും. മോശമല്ലാത്ത പ്രതികരണമാണ് ‘വേദ് എന്ന ചിത്രത്തിന് തിയറ്ററുകളില്‍ നിന്ന് ലഭിക്കുന്നത്. റിതേഷ് ദേശ്‍മുഖ് ചിത്രം 10 കോടി രൂപയാണ് ഇതുവരെ നേടിയതെന്നാണ് ബോക്സ് ഓഫീസ് കളക്ഷൻ റിപ്പോര്‍ട്ട്. തെലുങ്കിലെ ഹിറ്റ് ചിത്രമായ ‘മജിലി’യുടെ റീമേക്കാണ് ‘വേദ്’.
വെള്ളിയാഴ്‍ച 2.25 കോടി ശനിയാഴ്‍ച 3.25 കോടി, ഞായറാഴ്‍ച 4.50 കോടി എന്നിങ്ങനെയാണ് വേദ് നേടിയത്. റിതേഷ് ദേശ്‍മുഖിന്റെ ഭാര്യയും ഇന്ത്യൻ സിനിമയിലെ ഒട്ടേറെ ഹിറ്റുകളില്‍ കേന്ദ്ര കഥാപാത്രവുമായ ജനീലിയ ആണ് ‘വേദി’ലെ നായിക. ഭുഷൻകുമാര്‍ ജെയ്‍ൻ ആണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്. ചന്ദ്രൻ അറോറയാണ് ‘വേദ്’ എന്ന ചിത്രത്തിന്റെ ചിത്രസംയോജനം നിര്‍വഹിച്ചിരിക്കുന്നത്.
2022 ends with a BANG 🔥🔥🔥… #Marathi film #Ved – which marks the directorial debut of #RiteishDeshmukh – takes a SOLID START on Day 1 and witnesses REMARKABLE GROWTH on Day 2 and 3… Fri 2.25 cr, Sat 3.25 cr, Sun 4.50 cr. Total: ₹ 10 cr. pic.twitter.com/qJLDx4MHBc
— taran adarsh (@taran_adarsh) January 2, 2023
ഒരു റൊമാന്റിക് കോമഡി ചിത്രമാണ്. ജനീലിയയാണ് ചിത്രത്തിന്റെ നിര്‍മാണം. മുംബൈ ഫിലിം കമ്പനിയുടെ ബാനറിലാണ് നിര്‍മാണം. അജയ്- അതുല്‍ ആണ് ചിത്രത്തിന്റെ സംഗീത സംവിധാനം നിര്‍വഹിച്ചിരിക്കുന്നത്. റിഷികേശ് തുരൈ, സന്തീപ പാട്ടില്‍ എന്നിവര്‍ക്കൊപ്പം റിതേഷ് ദേശ്‍മുഖും ചേര്‍ന്ന് തിരക്കഥ എഴുതിയിരിക്കുന്നു. ജിയ ശങ്കര്‍, അശോക് സറഫ്, എന്നിവരും ചിത്രത്തില്‍ അഭിനയിക്കുന്നു. കഴിഞ്ഞ വെള്ളിയാഴ്‍ചയായിരുന്നു ചിത്രത്തിന്റെ റിലീസ്.
