പാരീസ്: പാരീസിലെ ജ്വല്ലറിയിൽ വൻ കവർച്ച. ആയുധ ധാരികളായ കവർച്ചക്കാർ ജ്വല്ലറിയിൽനിന്നും നാല് ദശലക്ഷം യൂറോ മോഷ്ടിച്ചു. ഫ്രാൻസിന്‍റെ തലസ്ഥാന നഗരത്തിലെ പ്രശസ്തമായ റിറ്റ്സ് ഹോട്ടലിലായിരുന്നു കവർച്ച നടന്നത്.
റിറ്റ്സ് ഹോട്ടലിനുള്ളിൽ ഉണ്ടായിരുന്ന ജ്വല്ലറിയുടെ ജനൽ തകർത്താണ് കവർച്ചക്കാർ ഉള്ളിൽ കടന്നത്. ഏകദേശം നാല് ദശലക്ഷം യൂറോയുടെ കവർച്ചയാണ് ഉണ്ടായത്. പ്ലെയ്സ് വെൻഡോമിലാണ് ആഡംബര ഹോട്ടലായ റിറ്റ്സ് സ്ഥിതിചെയ്യുന്നത്. ആഭരണങ്ങളും വാച്ചുകളും വിലപിടിപ്പുള്ള വസ്ത്രങ്ങളും നഷ്ട്പ്പെട്ടിട്ടുണ്ട്.
