ന്യൂഡല്‍ഹി: വടക്കന്‍ ഡല്‍ഹിയില്‍ ജൂവലറിയില്‍ തോക്കു ചൂണ്ടി കവര്‍ച്ച. മൂന്നുപേരടങ്ങുന്ന സംഘമാണ് കരാവല്‍ ന?ഗറിലെ ജൂവലറിയില്‍ തോക്കു ചൂണ്ടി കവര്‍ച്ച നടത്തിയത്. സംഭവത്തില്‍ ഒരാളെ പോലീസ് അറസ്റ്റ് ചെയ്തു. ഇയാളില്‍നിന്ന് തോക്ക് പിടികൂടി. സംഭവദൃശ്യങ്ങള്‍ സി.സി.ടി.വിയില്‍ പതിഞ്ഞിട്ടുണ്ട്.
പ്രതികള്‍ ഓടി രക്ഷപ്പെടാന്‍ ശ്രമിക്കുന്നതിനിടെ ജീവനക്കാര്‍ ചേന്ന് ഒരാളെ പിടികൂടുകയായിരുന്നു. നന്ദ് ന?ഗരി സ്വദേശിയായ ഫൈസാനെയാണ് പോലീസ് അറസ്റ്റ് ചെയ്തത്. മൂന്നു കേസുകളില്‍ പ്രതിയായ ഇയാള്‍ നിലവില്‍ ജയിലില്‍നിന്ന് ജാമ്യത്തില്‍ ഇറങ്ങിയതായിരുന്നു.ഹെല്‍മറ്റ് ധരിച്ച് ജ്വല്ലറിയില്‍ എത്തിയ കവര്‍ച്ചാ സംഘം സ്ഥലത്ത് ഉണ്ടായിരുന്നവര്‍ക്ക് നേരെ തോക്കുചൂണ്ടി ആഭരണങ്ങള്‍ കവരുകയായിരുന്നു. കവര്‍ച്ചയ്ക്ക് ശേഷം ഇവരില്‍ രണ്ടുപേര്‍ വഴിയാത്രക്കാരനായ ഒരാളുടെ ബൈക്ക് തട്ടിയെടുത്തതായും പോലീസ് പറയുന്നു.
