കോട്ടയം: കോട്ടയത്ത് റോഡ് നിര്‍മ്മാണത്തിനായി കൊണ്ടുവന്ന ജെസിബി മോഷണം പോയതായി പരാതി. കെഎസ്ടിപിയുടെ റോഡ് നിര്‍മ്മാണത്തിന് കരാറുകാരന്‍ കൊണ്ടുവന്ന ജെസിബിയാണ് മോഷണം പോയിരിക്കുന്നത്. ഇതു പ്രകാരം വെസ്റ്റ് പൊലീസ് കേസെടുത്ത് അന്വേഷണം ആരംഭിച്ചു.
അപൂര്‍വമായ ഒരു സംഭവമാണിതെന്നാണ് പൊലീസ് പറയുന്നത്. ജെസിബി ഓടിച്ചുകൊണ്ടുപോവുകയായിരുന്നോ, അതോ മറ്റേതെങ്കിലും വാഹനം കൊണ്ടു വന്നു കയറ്റിക്കൊണ്ടുപോയതാണോ എന്ന കാര്യത്തില്‍ വ്യക്തതയില്ല. നഗരത്തിലെ സിസിടിവി ദൃശ്യങ്ങള്‍ പരിശോധിച്ചു വരികയാണെന്നും, ജെസിബി ഡ്രൈവര്‍മാരെ കേന്ദ്രീകരിച്ചും അന്വേഷണം നടക്കുന്നുണ്ടെന്നും വെസ്റ്റ് എസ്എച്ച്ഒ നിര്‍മല്‍ ബോസ് പറഞ്ഞു.
