അഗര്‍ത്തല: പശ്ചിമ ത്രിപുരയിലെ ഇന്ത്യ-ബംഗ്ലാദേശ് അന്താരാഷ്ട്ര അതിര്‍ത്തിക്ക് സമീപം രണ്ട് റോഹിംഗ്യകളെ അറസ്റ്റ് ചെയ്തു. രാജ്നഗര്‍ പ്രദേശത്ത് നിന്ന് 21 കാരനായ എംഡി സലിം, 20 കാരനായ ജഹാംഗീര്‍ ആലം എന്നിവരെയാണ് പൊലിസ് അറസ്റ്റ് ചെയ്തത്.
നാട്ടുകാര്‍ നല്‍കിയ വിവരത്തിന്റെ അടിസ്ഥാനത്തിലാണ് അറസ്റ്റ്.ജോലി തേടിയാണ് ഇവര്‍ ബംഗ്ലാദേശില്‍ നിന്ന് ഇന്ത്യന്‍ പ്രദേശത്തേക്ക് വന്നതെന്ന് പ്രാഥമിക അന്വേഷണത്തില്‍ കണ്ടെത്തിയെന്ന് ബറ്റാല പൊലിസ് സ്റ്റേഷന്‍ ചുമതലയുള്ള സഹദേബ് ഭാമിക്ക് പറഞ്ഞു. ഇവരില്‍ നിന്ന് അഭയാര്‍ഥി കാര്‍ഡുകള്‍ കണ്ടെടുത്തിട്ടുണ്ട്. ബംഗ്ലാദേശിലെ ചിറ്റഗോങ് പ്രദേശത്തെ റോഹിംഗ്യന്‍ അഭയാര്‍ഥിക്യാംപിലാണ് ഇവര്‍ താമസിച്ചതെന്നാണ് വിവരം.
