കട്ടക്ക്: റെക്കോഡ് തകര്‍ത്ത് ഇന്ത്യന്‍ ഓപ്പണര്‍ രോഹിത് ശര്‍മ്മ. വെസ്റ്റിന്‍ഡീസിനെതിരായ മൂന്നാം ഏകദിനത്തിലായിരുന്നു രോഹിത് ശര്‍മ്മ 22 വര്‍ഷം മുമ്പുള്ള സനത് ജയസൂര്യയുടെ റെക്കോഡ് മറികടന്നത്. കട്ടക്കിലെ ബരാബതി സ്റ്റേഡിയത്തില്‍ വച്ചായിരുന്നു വെസ്റ്റിന്‍ഡീസിനെതിരെ രോഹിത്ത് കളിച്ചത്.
അന്താരാഷ്ട്ര ക്രിക്കറ്റില്‍ ഒരു വര്‍ഷത്തില്‍ ഏറ്റവും കൂടുതല്‍ റണ്‍സ് നേടുന്ന ഓപ്പണിങ് ബാറ്റ്സ്മാന്‍ എന്ന റെക്കോഡ് ആണ് രോഹിത്തിന് ലഭിച്ചത്.
1997-ല്‍ ശ്രീലങ്കയ്ക്കായി സനത് ജയസൂര്യ നേടിയ 2387 റണ്‍സാണ് 2019-ല്‍ 2434 റണ്‍സാണ് രോഹിത് അടിച്ചെടുത്തത്.
ഈ വര്‍ഷം ഏകദിനത്തില്‍ ഏറ്റവും കൂടുതല്‍ റണ്‍സ് നേടുന്ന താരം എന്ന റെക്കോഡും രോഹിത് നേടിയിരുന്നു.
