റോം: കൊറോണ വൈറസ് പടര്‍ന്ന് പിടിക്കുന്ന വാര്‍ത്ത ലോകരാജ്യങ്ങളെ ഓരോ ദിവസവും ഭീതിയിലാഴ്ത്തിക്കൊണ്ടിരിക്കുകയാണ്. ഇപ്പോഴിതാ കൊറോണ മൂലം മലയാളികള്‍ ഉള്‍പ്പെടെ 85 ഇന്ത്യന്‍ വിദ്യാര്‍ത്ഥികള്‍ ഇറ്റലിയില്‍ കുടുങ്ങിക്കിടക്കുന്നതായാണ് പുറത്ത് വരുന്ന റിപ്പോര്‍ട്ട്.
ഇറ്റലിയിലെ പാവിയ സര്‍വ്വകലാശാലയിലെ വിദ്യാര്‍ത്ഥികളാണ് കുടുങ്ങിക്കിടക്കുന്നത്. കൊറോണയെ തുടര്‍ന്നു ഇന്ത്യയിലേക്കുള്ള വിമാനങ്ങള്‍ റദ്ദാക്കിയ പശ്ചാത്തലത്തിലാണ് ഇവര്‍ക്ക് നാട്ടിലേക്ക് മടങ്ങാന്‍ കഴിയാതിരുന്നത്.
സര്‍വ്വകലാശാലയിലെ ഒരു ജീവനക്കാരന് കൊറോണ സ്ഥിരീകരിച്ചിട്ടുണ്ട്. ഇവിടെ 15 പേര്‍ നിരീക്ഷണത്തിലാണ്. ഇറ്റലിയില്‍ കൊറോണ ബാധിച്ച് 34 പേരാണ് മരിച്ചത്. 1,694 പേര്‍ ചികിത്സയിലുണ്ട്.
അതേസമയം, ഇറാനില്‍ മലയാളി മത്സ്യത്തൊഴിലാളികള്‍ കുടുങ്ങിക്കിടക്കുന്നതായി ഇന്നലെ വാര്‍ത്ത പുറത്ത് വന്നിരുന്നു. അതിന് പിന്നാലെയാണ് ഈ വാര്‍ത്തയും.
