കോഴിക്കോട്: കേരളത്തിലെത്തിയ ബ്രസീല്‍ ഫുട്‌ബോള്‍ താരം റൊണാള്‍ഡീന്യോ അപകടത്തില്‍ നിന്ന് കഷ്ടിച്ച് രക്ഷപ്പെട്ടു. സംസ്ഥാന ഫുട്ബാള്‍ ഫോര്‍ പീസ് പദ്ധതിയുടെ സ്‌കൂള്‍ തല ഉദ്ഘാടനം നടക്കാവ് ഗവ. ഗേള്‍സ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെത്തിയപ്പോള്‍ റൊണാള്‍ഡിന്യോ സഞ്ചരിച്ചിരുന്ന കാറിനു മുന്നിലേക്ക് ട്രാഫിക് സിഗ്‌നല്‍ പോസ്റ്റ് മറിഞ്ഞു വീഴുകയായിരുന്നു.
ഡ്രൈവര്‍ ഉടന്‍ തന്നെ കാര്‍ നിറുത്തിയതിനാല്‍ അപകടമൊന്നും ഉണ്ടായില്ല. തുടര്‍ന്ന് പൊലീസ്, സിഗ്‌നല്‍ ലൈറ്റ് റോഡില്‍ നിന്ന് മാറ്റിയ ശേഷം റൊണാള്‍ഡീന്യോ സ്‌കൂളിലെ ചടങ്ങിനായി പോയി. കാലപ്പഴക്കം കൊണ്ട് ഇരുമ്പ് തൂണ്‍ ദ്രവിച്ചു പോയിരുന്നു.
