ടൂറിന്‍: കരിയറില്‍ 600 ഗോളെന്ന നേട്ടം സ്വന്തമാക്കി റൊണാള്‍ഡോ. ഇന്ററുമായി നടന്ന പോരാട്ടത്തില്‍ താരം നേടിയ ഗോളായിരുന്നു ചരിത്രം കുറിച്ചത്. മത്സരം സമനിലയില്‍ കലാശിച്ചു.
റൊണാള്‍ഡോ യുവന്റസിനായി നേടിയ 27ാം ഗോളായിരുന്നു ചരിത്രം കുറിച്ചത്. സ്‌പോര്‍ട്ടിങ് ലിസ്ബണിനായി അഞ്ചും മാഞ്ചസ്റ്റര്‍ യുനൈറ്റഡിനായി 118ഉം റയല്‍മാഡ്രിഡിനായി 450 ഉം ഗോള്‍ റൊണാള്‍ഡോ നേടിയിട്ടുണ്ട്. പോര്‍ച്ചുഗലിനായി റൊണാള്‍ഡോ 85 ഗോളാണ് നേടിയത്. ഗോള്‍ നേട്ടത്തില്‍ റൊണാള്‍ഡോയ്ക്ക് താഴെയുള്ളത് ലയണല്‍ മെസ്സിയാണ്. ഇന്ന് നടന്ന ലെവന്റെയ്‌ക്കെതിരായ മല്‍സരത്തില്‍ മെസ്സി തന്റെ 598ാം ഗോള്‍ നേടി.
