തിരുവനന്തപുരം: ലോകോത്തര ഫുട്‌ബോള്‍ താരം ക്രിസ്റ്റ്യാനോ റൊണാള്‍ഡോ കേരളത്തിലെത്തുന്നു. തിരുവനന്തപുരത്ത് നടത്തുന്ന സൗഹൃദമത്സരത്തില്‍ പങ്കെടുക്കാനായിട്ടാണ് ക്രിസ്റ്റ്യാനോ കേരളത്തിലെത്തുന്നത്.
പോര്‍ച്ചുഗല്‍ ടീമിന്റെ ഭാഗമായിട്ടാണ് ക്രിസ്റ്റിയാനോയുടെ കേരള സന്ദര്‍ശനം. കാര്യവട്ടം രാജ്യാന്തര സ്‌റ്റേഡിയത്തില്‍ നടക്കുന്ന മത്സരത്തിനായുളള ഒരുക്കങ്ങള്‍ പുരോഗമിക്കുകയാണെന്ന് കേരള ഫുട്‌ബോള്‍ അസോസിയേഷന്‍ അറിയിച്ചിട്ടുണ്ട്. മത്സരത്തിനായുളള തിയതി ഉടനെ പ്രഖ്യാപിക്കുമെന്ന് കേരള ഫുട്‌ബോള്‍ അസോസിയേഷന്‍ സെക്രട്ടറി പി.സുനില്‍കുമാര്‍ പറഞ്ഞു
ലോകഫുട്‌ബോളര്‍ പുരസ്‌കാരത്തിനായുളള സാധ്യത ലിസ്റ്റില്‍ ഇത്തവണയും ഏറെ സാധ്യത കല്‍പ്പിക്കപ്പെടുന്ന താരങ്ങളിലൊരാളാണ് പോര്‍ച്ചുഗലിനും, റയല്‍ മാഡ്രിഡ് ക്ലബ്ബിനും വേണ്ടി കളത്തിലിറങ്ങുന്ന ക്രിസ്റ്റ്യാനോ റൊണാള്‍ഡോ.
അര്‍ജന്റീനിയന്‍ ഇതിഹാസ താരമായ ലയണല്‍ മെസിയും, ക്രിസ്റ്റ്യാനോയുമാണ് ഒന്നിടവിട്ട് ലോകഫുട്‌ബോളര്‍ ബഹുമതി കരസ്ഥമാക്കുന്നത്. ഇതുവരെ നാലുവട്ടം ഇരുവരും ലോകഫുട്‌ബോളറായി തെരഞ്ഞെടുക്കപ്പെട്ടിട്ടുണ്ട്.
